जळगावच्या नेरीनाका परिसरातील घटना
जळगाव (प्रतिनिधी) : शहरातील नेरीनाका जवळील सलून दुकानाच्या बाहेर मोबाईल पाहत बसलेल्या एका प्रौढाच्या हातातून अज्ञात दोन जणांनी मोबाईल हिसकावून पसार झाल्याची घटना दि. २ जुलै रोजी रात्री ९ वाजता घडली होती. याप्रकरणी चौकशीअंती अखेर मंगळवारी दि. ९ जुलै रोजी शनिपेठ पोलीस ठाण्यात गुन्हा दाखल करण्यात आला.
राजीव पुरुषोत्तम नारखेडे (वय-५७, रा.भवानी पेठ, जळगाव) हे प्रौढ व्यक्ती दि. २ जुलै रोजी रात्री ९ वाजता जळगाव शहरातील नेरी नाका येथील सलून दुकानासमोर बसलेले होते. त्यावेळी हातात मोबाईल धरून फोन पाहत असताना अज्ञात दोन जण दुचाकीवर आले. यातील एकाने त्यांच्या हाताला झटका मारून २५ हजार रुपये किंमतीचा मोबाईल जबरी हिसकावून दुचाकीवर घेऊन अजिंठा चौफुलीकडे पसार झाला. मंगळवारी दि. ९ जुलै रोजी दुपारी ४ वाजता राजीव नारखेडे यांनी शनिपेठ पोलिसात धाव घेतली व तक्रार दिली. त्यानुसार अज्ञात चोरट्यांवर गुन्हा दाखल करण्यात आला. या घटनेचा पुढील तपास पोलीस हेड कॉन्स्टेबल विजय खैरे करीत आहे.
