‘मविआ’चे उन्मेष पाटील ८५ हजार ६५३ मतांनी पराभूत
चाळीसगाव (विशेष प्रतिनिधी) :- येथील चाळीसगाव विधानसभा मतदारसंघाच्या निवडणुकीत महायुतीचे उमेदवार मंगेश चव्हाण यांचा विजय झाला असून महाविकास आघाडीचे माजी खा. उन्मेष पाटील यांचा ८५ हजार ६५३ मतांनी पराभव केला आहे. आता दुसऱ्यांदा आ. चव्हाण यांना चाळीसगावकरांनी विधानसभेत पाठविले आहे.
आता सर्व २५ फेऱ्या संपलेल्या आहे. मंगेश चव्हाण यांना २५ व्या फेरीअखेर १ लाख ५७ हजार १०१ तर उन्मेष पाटील यांना ७१ हजार ४४८ मते मिळाली आहे. तिसऱ्या क्रमांकावर बहुजन समाज पार्टीचे राजाराम बारकू मोरे यांनी १ हजार ८९ मते मिळवून लक्ष वेधून घेतले आहे. चाळीसगाव तालुक्यातील विविध गावागावांत महायुतीकडून जल्लोष साजरा करण्यात येत आहे.
