जळगाव तालुक्यातील म्हसावद येथील घटना
जळगाव (प्रतिनिधी) :- तालुक्यातील म्हसावद येथील एका २२ वर्षीय तरूणीने राहत्या घरात गळफास घेवून आत्महत्या केल्याची धक्कादायक घटना शुक्रवारी २४ ऑक्टोबर रोजी पहाटे ५ वाजता समोर आली आहे. आत्महत्या करण्याचे कारण अद्याप समोर आलेले नाही. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली.
प्रिती कमलाकर जाधव (वय २२ रा. म्हसावद ता. जळगाव) असे मयत झालेल्या तरूणीचे नाव आहे. तालुक्यातील म्हसावद गावात प्रिती जाधव ही तरूणी आई, वडील, भाऊ, बहीण यांच्यासह राहत होती.(केसीएन)तिचे वडील कमलाकर हे हातमजुरी करून परिवाराचा उदरनिर्वाह करतात.दरम्यान मध्यरात्री तरूणीने सर्वजण घरात झोपलेले असतांना राहत्या घरात गळफास घेवून आत्महत्या केली. हा प्रकार शुक्रवारी २४ ऑक्टोबर रोजी पहाटे ५ वाजता समोर आला. आत्महत्या करण्याचे कारण समोर आलेले नाही. हा प्रकार तिच्या नातेवाईकांच्या लक्षात येताच तातडीने खाली उतरवून शासकीय वैद्यकीय महाविद्यालयात उपचारार्थ दाखल करण्यात आले. यावेळी वैद्यकीय अधिकारी यांनी तपासणी अंती मयत घोषीत केले. प्रसंगी कुटुंबीयांनी एकच आक्रोश केला. या घटनेबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे.
