अमळनेर तालुक्यातील सबगव्हाण येथील घटना
अमळनेर (प्रतिनिधी) : तालुक्यातील सबगव्हाण येथे शेतात मेंढ्या चारणाऱ्या मेंढपाळाला एकाने विनाकारण दगड मारून जखमी केल्याने मारवड पोलिसांत गुन्ह्याची नोंद करण्यात आली आहे.
सोनगीर येथील गजमल रामा ठेल्लारी (वय २७) हा दि. २८ रोजी दुपारी १:३० वाजता त्याच्या मालकीच्या मेंढ्या घेऊन सबगव्हाण ते भरवस रस्त्यावर चारत होता. तेव्हा सबगव्हाण येथील भैय्या उर्फ मनोज रोहिदास पाटील हा आला. तुम्ही मेंढपाळ कुठेही मेंढ्या चारतात असे म्हणत शिवीगाळ करू लागला. गजमल ठेलारी याने जाब विचारला असता भैय्या पाटील याने दगड घेऊन फिर्यादीच्या डोक्याला मध्यभागी मारला व शिवीगाळ करून निघून गेला. उपचार घेऊन गजमल याने मारवड पोलिसांत फिर्याद दिल्याने गुन्ह्याची नोंद करण्यात आली आहे. पुढील तपास हेकॉ मुकेश साळुंखे हे करीत आहेत.
