शेवटच्या तासांत नागरिकांच्या रांगा लागल्याचे चित्र
जळगांव (प्रतिनिधी) :- जिल्ह्यातील विधानसभा निवडणुकीसाठी आज सकाळी ७ वाजता मतदानास सुरुवात झाली. दुपारी ३ वाजेपर्यंत जिल्ह्यात ४०.६२% मतदानाची नोंद झाली आहे. जिल्ह्यातील विविध मतदारसंघांमध्ये मतदारांचा प्रतिसाद संमिश्र दिसून आला असून, काही ठिकाणी चांगल्या प्रमाणात मतदान झाले, तर काही ठिकाणी मतदान कमी प्रमाणात झालेले दिसले. आता शेवटच्या तासात मतदारांच्या केंद्रावरती रांगा लागलेल्या दिसून येत आहे. मतदारांची उदासीनता चिंतेचा विषय झाली आहे.
महाराष्ट्रात आज विधानसभा निवडणुकांचे मतदान होत आहे. जळगाव जिल्ह्यातील ११ विधानसभा मतदार संघात आतापर्यंत ४०.६२% टक्के मतदान झालं आहे. जळगाव जिल्ह्यातील ११ विधानसभा मतदारसंघातील सुमारे ३६ लाख ५५ हजार ३४८ मतदार आज बुधवारी मतदानाचा हक्क बजावून १३९ उमेदवारांचे भवितव्य मतदान यंत्रात बंद करणार आहेत. महाराष्ट्र विधानसभेच्या २८८ जागांसाठी बुधवारी एकाच टप्प्यात मतदान होत आहे. यावेळी महायुती विरुद्ध महाविकास आघाडी यांच्यात मुख्यतः लढत होत आहे.
मतदार संघनिहाय टक्केवारी
चोपडा- 47.04
रावेर- 49.16
भुसावळ – 39.93
जळगांव शहर – 29.3
जळगांव ग्रामीण – 44.88
अमळनेर- – 39.34
एरंडोल – 41.61
चाळीसगाव – 43.15
पाचोरा – 31.37
जामनेर – 42.32
मुक्ताईनगर – 42.51
