यावल ( प्रतिनिधी ) – मनवेल येथे मध्यरात्री अज्ञात चोरट्यांनी घरात घुसून कपाटातील दागिने आणि रोकड असा १ लाख ५७ हजार रूपये किंमतीचा मुद्देमाल चोरून नेला . घरातील व्यक्ती उठल्याचे पाहून चोरटे पसार झाले. २८ जानेवारीरोजी सकाळी यावल पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
अरूण कालुसिंग पाटील (रा. मनवेल) हे दोन मुले आणि सुन यांच्यासह वास्तव्याला आहे. शेती करून उदरनिर्वाह करतात. २७ जानेवारीरोजी रात्री सर्वजण जेवण करून झोपले. मध्यरात्री अज्ञात दोन चोरटे घराचा कडीकोयंडा तोडून बेडरूममध्ये कपाटात चोरी करत होते. शुक्रवारी पहाटे ४ वाजेच्या सुमारास कपाटाचा आवाज आल्याने अरूण पाटील झोपेतून जागे झाले तर चोरटे चोरी करत होते. अरूण पाटील याचा मुलगा तेजभान पाटील यांनी सकाळी यावल पोलीस ठाण्यात तक्रार दिली. त्यांच्या तक्रारीवरून अज्ञात चोरट्यांविरोधात यावल पोलीस ठाण्यात गुन्हा दाखल करण्यात आला आहे. पुढील तपास पोहेकॉ जितेंद्र खैरनार करीत आहेत.
