भुसावळ ( प्रतिनिधी ) – शहरातील छबीलदास मार्केटमध्ये आलेल्या महिलेच्या पर्समधून दोन अज्ञात महिलांनी १५ हजारांची रोकड तसेच ७ हजारांचा मोबाईल लांबवल्याची घटना ९ ऑगस्टला दुपारी ४.३० वाजता घडली. याप्रकरणी अज्ञात दोघांविरोधात बाजारपेठ पोलिसात गुन्हा दाखल करण्यात आला.
भुसावळ येथील तक्रारदार अर्चना मुहे या ९ ऑगस्टला दुपारी अडीच वाजता छबीलदास मार्केटमधील ममता क्रिएशन शॉपमध्ये खरेदीसाठी आल्या होत्या. या वेळी दोन अज्ञात महिलांनी त्यांच्या पर्समधून १५ हजारांची रोकड तसेच ७ हजारांचा मोबाईल लांबवला. हा प्रकार लक्षात आल्यानंतर त्यांनी तातडीने बाजारपेठ पोलीस ठाणे गाठत तक्रार नोंदवली. पोलिसांनी धाव घेत या भागातील सीसीटीव्हीची पाहणी केल्यानंतर त्यात दोन महिला कैद झाल्या आहेत. तपास पोलीस निरीक्षक बबन आव्हाड यांच्या मार्गदर्शनाखाली नाईक तुषार इंगळे करत आहेत.
