महायुतीचा झंझावात! प्रभाग ७ मधून चंद्रशेखर अत्तरदे विजयी
भाजप-शिवसेना-राष्ट्रवादी महायुतीची बहुमताकडे वाटचाल; कार्यकर्त्यांचा जल्लोष
जळगाव | प्रतिनिधी जळगाव महानगरपालिकेच्या सार्वत्रिक निवडणुकीची मतमोजणी आज, १६ जानेवारी रोजी सकाळी १० वाजेपासून सुरू झाली आहे. सुरुवातीच्या फेऱ्यांपासूनच महायुतीने (भाजप, शिवसेना शिंदे गट आणि राष्ट्रवादी अजित पवार गट) आपला वरचष्मा कायम राखला असून, अनेक प्रभागांमध्ये महायुतीचे उमेदवार ‘सुसाट’ सुटले आहेत. प्रभाग ७ मधून भाजपचे चंद्रशेखर अत्तरदे यांनी विजय मिळवून महायुतीच्या विजयाचा पाया अधिक मजबूत केला आहे.
चंद्रशेखर अत्तरदे (प्रभाग ७): भाजपचे चंद्रशेख अत्तरदे यांनी प्रभाग ७ मधून विजय मिळवल्याचे चित्र स्पष्ट झाले असून, त्यांनी प्रतिस्पर्धी उमेदवारांवर मात केली आहे.
महायुतीची विजयाकडे झेप जळगाव महापालिकेच्या ७५ जागांपैकी १२ जागा आधीच बिनविरोध निवडून आल्या आहेत. उर्वरित ६३ जागांच्या मतमोजणीत महायुतीने बहुमताचा आकडा गाठण्याच्या दिशेने वेगाने झेप घेतली आहे. भाजप, शिवसेना आणि राष्ट्रवादीच्या समन्वयामुळे अनेक प्रभागांत विरोधकांचे पानिपत होताना दिसत आहे.
केंद्राबाहेर विजयाचा गुलाल कुसुंबा येथील वखार महामंडळाच्या मतमोजणी केंद्राबाहेर जसे जसे निकाल हाती येत आहेत, तसा कार्यकर्त्यांचा उत्साह शिगेला पोहोचला आहे. ढोल-ताशांच्या गजरात आणि “कोण आला रे कोण आला, महायुतीचा वाघ आला” अशा घोषणा देत कार्यकर्ते विजयी उमेदवारांचे स्वागत करत आहेत. पोलिसांनी कोणताही अनुचित प्रकार घडू नये म्हणून शहरात कडेकोट बंदोबस्त तैनात केला आहे.
