चाळीसगाव तालुक्यात लोंजे येथील घटना
चाळीसगाव (प्रतिनिधी) :- तालुक्यातील लोंजे येथे एका तरुणाने राहत्या घरी कोणी नसताना गळफास लावून घेत आत्महत्या केल्याची धक्कादायक घटना शनिवारी दि. १७ रोजी पहाटे उघडकीस आली आहे. याप्रकरणी चाळीसगाव ग्रामीण पोलीस स्टेशनला अकस्मात मृत्यूची नोंद करण्यात आली आहे.
सिताराम शिवाजी पवार (वय २७, रा. लोंजे ता. चाळीसगाव) असे मयत तरुणाचे नाव आहे. तो आई, वडील, २ भाऊ, पत्नी यांचेसह राहत होता.मजुरी काम करून उदरनिर्वाह करीत होता.(केसीएन)दरम्यान, शुक्रवारी दि. १६ रोजी गावात विवाहसोहळा होता. सिताराम याने दिवसा त्याच्या बहिणीला विवाहस्थळी सोडून दिले होते. त्यानंतर तो घरी एकटाच होता. मित्र परिवारासोबत तो गावात दिवसभर फिरला. नंतर रात्री मात्र घरी कोणी नसताना सिताराम याने राहत्या घरी कोणी नसताना गळफास लावून घेत आत्महत्या केली.
शनिवारी पहाटे सितारामचा लहान भाऊ जेव्हा पाणी पिण्यासाठी घरी आला तेव्हा हि घटना उघडकीस आली. यावेळी सीताराम पवार याला ग्रामीण रुग्णालयात उपचारासाठी दाखल करण्यात आले असता वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी रुग्णालयात आक्रोश केला. घटनेची चाळीसगाव ग्रामीण पोलीस स्टेशनला अकस्मात मृत्यूची नोंद करण्यात आली आहे.
