बोदवड तालुक्यात शेलवड रस्त्यावर कारवाई
जळगाव (प्रतिनिधी) : जळगाव स्थानिक गुन्हे शाखेच्या पथकाने बोदवड येथे तलवार आणि कोयता बाळगून दहशत निर्माण करणाऱ्या एकाला जेरबंद केले आहे. त्याच्याकडून मुद्देमाल जप्त करण्यात आला आहे.
बोदवड तालुक्यातील बोदवड ते शेलवड आणि महालक्ष्मी माता मंदिर, तपोवनकडे जाणाऱ्या रस्त्यावर एकजण हातात तलवार आणि कोयता घेऊन दहशत करीत आहे. ही माहिती मिळताच, पोलीस नाईक श्रीकृष्ण देशमुख यांनी तात्काळ वरिष्ठ पोलीस निरीक्षक संदीप पाटील यांना कळविले. त्यानुसार संदीप पाटील यांनी पथकाला कारवाई करण्याबाबतच्या सुचना देण्यात आल्या. त्यानुसार जळगाव स्थानिक गुन्हे शाखेतील पोलीस उपनिरीक्षक शरद बागल, पोहेकॉ प्रितम पाटील, पोलीस अंमलदार रविंद्र चौधरी यांना कारवाईच्या सुचना दिल्या. त्यानुसार पथकाने बोदवड ते शेलवड व महालक्ष्मी माता मंदिर, तपोवनकडे जाणाऱ्या रस्त्यावर कारवाई केली. संशयित पुरुषोत्तम श्रावण वंजारी (वय-२६, रा.माळी वाडा, बोदवड, ता.बोदवड) हा त्याच्या ताब्यात तलवार आणि कोयता बाळगून दहशत माजवीत असताना आढळून आला. त्याच्या ताब्यातून एकूण साडेचार हजार रूपये किंमतीचा मुद्देमाल जप्त करण्यात आला आहे. त्याच्याविरुद्ध बोदवड पोलीस स्टेशनला गुन्हा दाखल करण्यात आला आहे.
