जळगाव ( प्रतिनिधी ) – महाराष्ट्र क्रिकेट असोसिएशन आयोजित यंदाच्या आंतरजिल्हा 14 वर्षाखालील मुलांच्या क्रिकेट स्पर्धेसाठी जळगाव जिल्ह्याचा संघ जाहीर करण्यात आला आहे .
जळगाव जिल्हा क्रिकेट संघाची प्राथमिक निवड नोव्हेंबर 2021 मध्ये करण्यात आली होती. त्यानंतर सराव शिबिर व दोन सराव सामने यांच्या माध्यमातून वीस जणांचा अंतिम संघ आज जाहीर करण्यात आला . वरुण पाटील (कर्णधार) , . मानस पाटील , राज राजपूत , तनय प्रसाद , श्लोक महाजन , दर्शन सोनवणे (यष्टीरक्षक) , यश अग्रवाल , मोहित जगताप , आर्यन पाटील , प्रतीक शिंदे (उपकर्णधार) , प्रणव जाधव , केशव ठाकूर , दिविक उपाध्याय , पियुष पवार , आदित्य वाणी , सोहम बडगुजर , अभय वाघमोडे , कृष्णा महाजन , जैनम जैन आणि आर्यन बडगे यांचा या संघात समावेश आहे .
जळगाव जिल्हा संघाचे सामने अंबिशियस क्रिकेट क्लब पुणे, पूना क्लब, पुणे व सातारा जिल्हा क्रिकेट संघ यांच्याशी खेळले जातील जळगाव जिल्हा क्रिकेट संघाची निवड संजय पवार, संतोष बडगुजर, व प्रशांत ठाकूर यांच्या निवड समितीने केली आहे, या संघास जळगाव जिल्हा क्रिकेट असोसिएशनतर्फे अध्यक्ष अतुल जैन , सचिव अरविंद देशपांडे व इतर पदाधिकारी यांनी शुभेच्छा दिल्या आहेत.
