रामानंद नगर पोलिसांची धडक कारवाई
जळगाव (प्रतिनिधी) : शहरातील खंडेराव नगर पुलाजवळ धारदार शस्त्र घेऊन फिरत असलेल्या तरुणाला रविवार दि. २८ जुलै रोजी संध्याकाळी ६ वाजेच्या सुमारास रामानंदनगर पोलीस स्टेशनने ताब्यात घेऊन अटक केली आहे. त्याच्यावर रामानंदनगरला गुन्हा दाखल करण्यात आला आहे.
लकीसिंग जीवनसिंग जुन्नी (वय २८, रा. राजीव गांधी नगर, जळगाव) असे अटक करण्यात आलेल्या संशयित इसमाचे नाव आहे. रामानंदनगर पोलीस स्टेशनला अज्ञात इसमाने फोनवर माहिती दिली होती.(केसीएन) त्यानुसार पोलिसांनी खंडेराव नगर पुलाजवळ जाऊन तपासणी केली. तेथे संशयित आरोपी लकीसिंग जीवनसिंग जुन्नी हा धारदार शस्त्र घेऊन परिसरात फिरत असल्याचे दिसून आले. त्याच्याकडून ४ इंच लांबीची प्लास्टिकची काळी मूठ असलेली व धारदार पाते असणारे चॉपर जप्त करण्यात आले आहे.
संशयित आरोपी लकीसिंग जुन्नी याच्यावर आर्म ऍक्ट प्रमाणे गुन्हा दाखल करण्यात आला असून फिर्याद पोलीस हेडकॉन्स्टेबल सुशील अरुण चौधरी यांनी दिली आहे. सदर कारवाई ही सहाय्यक फौजदार संजय सपकाळे, हेडकॉन्स्टेबल सुशील चौधरी, जितेंद्र राठोड, जितेंद्र राजपूत, विनोद सूर्यवंशी, उमेश पवार आदींनी केले आहे.
