जळगाव ( प्रतिनिधी ) – राष्ट्रवादी काँग्रेसचे नेते एकनाथराव खडसे याना आज धक्का बसला आहे. बोदवड व मुक्ताई नगरातील त्यांचे समर्थक समजले जाणारे अकरा नगरसेवक आज शिवसेनेत गेले आहेत.
बोदवड येथील नगराध्यक्षांसह 10 नगरसेवकांचा शिवसेनेत प्रवेश झाला आहे. मुक्ताईनगरातील दुसरा गटनेता देखील सेनेच्या गळाला लागला आहे. या काही महिन्यांपूर्वी मुक्ताईनगरातील ६ नगरसेवकांचा शिवसेनेत प्रवेश झाला होता. शिवसेनेने माजी मंत्री खडसेना जबरदस्त झटका दिला होता. त्यातच आज पुन्हा दुसऱ्यांदा शिवसेनेने माजी मंत्री खडसेंवर धक्का तंत्र वापरलेले असून बोदवड नगरपंचायतच्या नगराध्यक्षा मुमताजबी सईद बागवान यांच्यासह 10 नगरसेवकांचा शिवसेनेत प्रवेश करून घेतला आहे. हा प्रवेश सोहळा मातोश्री येथे मुख्यमंत्री उद्धव ठाकरे यांच्या हस्ते पार पडला. यावेळी नगरविकास मंत्री ना.एकनाथ शिंदे , पाणीपुरवठा व स्वच्छता मंत्री तथा पालकमंत्री, ना.गुलाबराव पाटील, आमदार चंद्रकांत पाटील शिवसेना तालुका प्रमुख छोटू भोई , विधानसभा क्षेत्रप्रमुख सुनील पाटील ,गटनेता तथा शहरप्रमुख राजेंद्र हिवराळे, नगरसेवक पियुष मोरे ,मुकेश वानखेडे, आरिफ आझाद , दीपक संतोष माळी, अफसर खान , जमील बागवान, मोहसीन बागवान, रितेश सोनार आदींची उपस्थिती होती.
बोदवड नगरपंचायतीत खडसे गटाला खिंडार पाडत शिवसेनेने नगराध्यक्षा श्रीमती मुमताजबी सईद बागवान , देवेंद्र खेवलकर (प्र.क्र.३ राष्ट्रवादी गटनेता तथा नगरसेवक) , श्रीमती आफरिन सय्यद असलम बागवान (प्र.क्र.४ नगरसेविका) , श्रीमती सुशीलाबाई खाटीक (प्र.क्र.५ नगरसेविका) , अकबर बेग मिर्झा (प्र.क्र.८ नगरसेवक) , श्रीमती सुशिलाबाई पाटील (प्र.क्र.९ नगरसेविका) , नितीन चव्हाण (प्र.क्र.११ नगरसेवक) , सुनील बोरसे (प्र.क्र.१२ नगरसेवक) , साकीनाबी शे.कलिम कुरेशी (प्र.क्र.१४ नगरसेविका) , आसमाबी शे.इरफान (प्र.क्र.१५ नगरसेविका) यांना शिवसेनेत जाहीर प्रवेश दिला आहे.
काही महिन्यांपूर्वी मुक्ताईनगर नगरपंचायतीत खडसेंनी स्थापन केलेल्या निर्विवाद सत्तेला सुरुंग लावत शिवसेनेने भाजप गटनेत्यांसह तब्बल ६ नगरसेवकांना शिवसेनेत प्रवेश दिला होता.हा प्रवेश मुख्यमंत्री उद्धव ठाकरे यांनीच दिला होता.यानंतर खडसेंची बरीच आगपाखड झाल्याचे दिसून आले व ओळख परेड करीत त्यांनी नगरसेवक त्यांच्या ताब्यात असल्याचा दावा केला होता.यानंतर भाजप पक्ष आघाडीत काही बदल करून शिवसेनेत प्रवेश केलेल्या गटनेत्याच्या जागेवर निलेश शिरसाठ यांची निवड माजी मंत्री खडसेंनी केली होती. या घडामोडिंना काही दिवस उलटत नाही तोच शिवसेनेने भाजपचा दुसरा गटनेता देखील आता गळाला लावला गटनेता निलेश शिरसाठ यांनी देखील शिवसेनेत प्रवेश केला आहे त्यांना देखील मुख्यमंत्री उद्धवठाकरे यांनी शिवबंधन बांधले.
आज बोदवड येथील नगराध्यक्षा व 9 नगरसेवक असे एकूण 10 सत्ताधारी शिवसेनेत सामील झाले आहेत तर मुक्ताईनगर नगरपंचायतीत शिवसेनेचे अधिकृत 3 नगरसेवक निवडून आलेले होते व सहा नगरसेवकांनी या आधी प्रवेश केला होता.यामुळे एकूण 17 पैकी 9 असे बहुमताचे बलाबल शिवसेनेचे येथे झाले होते.आता निलेश शिरसाठ यांच्या प्रवेशाने शिवसेनेचे मुक्ताईनगर नगरपंचायतीतील पक्षीय बल 10 वर आलेले आहे. यामुळे मुक्ताईनगर व बोदवड
नगरपंचायतीचा विचार करता शिवसेनेचा 10 :10 आकडा येथे दिसून येत आहे.
