जळगाव ( प्रतिनिधी ) – साप्ताहिक ‘ केसरीराज दिनदर्शिकेचे ‘ पालकमंत्री ना. गुलाबराव पाटील यांनी मुक्तकंठाने कौतुक केले . प्रकाशन सोहळ्यानंतर पालकमंत्री ना. गुलाबराव पाटील यांना केसरीराज दिनदर्शिका सप्रेम भेट देण्यात आली त्यावेळी त्यांनी बारकाईने संपूर्ण वाचनही केले .
पालकमंत्री ना. गुलाबराव पाटील म्हणाले की , आकार , सजावट , मांडणी आणि जिल्ह्याच्या दृष्टीने महत्वाच्या माहितीचा समावेश असलेली ही दिनदर्शिका सरस ठरली आहेच पण स्थानिक पातळीवरचा हा अत्यंत यशस्वी प्रयत्न कौतुकाला पात्र आहे . जिल्ह्यातील साप्ताहिक केसरीराज , केसरीराज न्यूज पोर्टल आणि केसरीराज यु ट्यूब चॅनेलची लोकप्रियता या दिनदर्शिकेतून प्रतिबिंबित होते . केसरीराज ही माध्यमसंस्था दिनदर्शिकेचा माध्यमातून वाचकांच्या घरात पोहचली आहेच , त्यातूनच हे आपले हक्काचे व्यासपीठ असल्याची खात्री वाचकांना दिली जाते आणि समाजातील अनेक बऱ्या – वाईट गोष्टी वाचक त्याच हक्काच्या नात्याने या माध्यमसंस्थेजवळ व्यक्त करतात , या बाबीचा हातभार पुढे विधायकतेच्या दिशा दिग्दर्शनासाठी लागत असतो ही या उपक्रमाची जमेची बाजू दिसते , असेही ते म्हणाले .
यावेळी पालकमंत्री ना. गुलाबराव पाटील यांच्यासह धरणगाव पंचायत समिती माजी सभापती मुकुंद नन्नंवरे , जळगावचे नगरसेवक गणेश सोनवणे, पंकज पाटील, नवलराजे पाटील आदी उपस्थित होते .
अधिष्ठाता डॉ. रामानंद यांच्याकडूनही प्रशंसा
जळगावच्या शासकीय वैद्यकीय महाविद्यालय व रुग्णालयाचे अधिष्ठाता डॉ. जयप्रकाश रामानंद यांनीही साप्ताहिक ‘ केसरीराज दिनदर्शिकेची ‘ प्रशंसा केली . कोरोनासारख्या अनिश्चिततेच्या काळातही वाचकांनी एक अर्थाने या माध्यमसंस्थेशी असलेली आपली बांधिलकी अधोरेखित केली आहे . खऱ्या अर्थाने वाचकांच्या सहभागाचा हा उपक्रम ठरला आहे . या संस्थेने विधायक समूह मानसिकता घडवून कोरोना आपत्तीच्या आव्हानाचा मुकाबला समाजाला नेटाने करता यावा म्हणून आमच्यासारख्या घटकांना आणि संस्थांना सहकार्य करणे आम्हालाही अपेक्षित आहे . कारण या प्रकाशनाची वाचकप्रियता आमच्या उद्दिष्टांसाठी सहाय्य्यभुत ठरणे महत्वाचे वाटते , असेही अधिष्ठाता डॉ. जयप्रकाश रामानंद म्हणाले.
