जळगावातील टॉवर चौकात घडली घटना
जळगाव ( प्रतिनिधी ) – शहरातील टॉवर चौकात एका शेतकऱ्याच्या खिशातून रोकड लांबविल्याची घटना घडली आहे. पोलीस स्टेशनला नोंद करण्याचे काम सुरू होते.
यावल तालुक्यातील डांभुर्णी येथील शेतकरी नरेंद्र युवराज पाटील हे कांद्याची विक्री करून मिळालेली २२ हजार २०० रुपये रक्कम घेऊन बसमध्ये चढले होते. गर्दीचा फायदा घेत चोरट्याने त्यांच्या खिशातून पैसे चोरले.घटना लक्षात येताच, पाटील यांनी बस शहर पोलिस ठाण्याकडे आणायला सांगितली. बस शहर पोलिस ठाणे परिसरात आणल्यानंतर पोलिसांनी बसमधील सर्व प्रवाशांची तपासणी केली.
पण चोरीस गेलेली रक्कम सापडली नाही. त्यामुळे, तपासानंतर बस प्रवासासाठी पुढे रवाना करण्यात आली. नरेंद्र पाटील यांनी कांद्याची विक्री बाजार समितीमध्ये केली होती. विक्रीनंतर त्यांना २२ हजार २०० रुपये मिळाले होते, आणि हे पैसे घेऊन ते टॉवर चौकात आले होते. घटनेचा तपास सुरू असून, पोलिसांनी इतर प्रवाशांचीही तपासणी सुरू ठेवली आहे.
