भुसावळ बाजारपेठ पोलीस स्टेशनची कामगिरी
भुसावळ (प्रतिनिधी) : शहरातील वांजोळा रस्त्यावरील प्रेरणानगर फाट्याजवळ बाजारपेठ पोलिसांना मिळालेल्या गुप्त माहितीवरून दोघांकडून दोन गावठी पिस्तुलांसह जिवंत काडतूस ताब्यात घेतले. त्यांची किंमत सुमारे ५१ हजार आहे. ही कारवाई शनिवारी दुपारी साडेचार वाजता करण्यात आली.
ताब्यात घेतलेल्या संशयितांचे नावे मुकेश मोहन अटवाल (२०, रा. वाल्मीक नगर, भुसावळ), यश किरण बोयत (२२, रा.अंजली हॉस्पीटलजवळ, तनारिका हॉटेल, भुसावळ) अशी आहेत. भुसावळ शहरातील वांजोळा रोडवरील प्रेरणा नगर फाटयाजवळ जावुन तेथे पोलिसांनी माहिती घेतली. प्रेरणानगर जवळील बोर्डाजवळ संशयित उभे असल्याचे दिसल्याने त्यांना ४. २० वाजता ताब्यात घेतले.
यातील पकडलेल्या दोन्ही इसमाची पंचासमक्ष अंगझडती घेतली असता त्याच्या कब्जात दोन गावठी पिस्तुले आणि दोन जिवंत काडतूस असे ५१ हजार रुपयांचा मुद्देमाल जप्त करण्यात आला आहे. याप्रकरणी बाजारपेठ पोलिसात गुन्हा दाखल करण्यात आला आहे. अधिक तपास पोलिस करत आहेत.
