जामनेर तालुक्यातील वाकडी येथील घटना
जामनेर (प्रतिनिधी) : तालुक्यात वाकडी येथे एका महिलेचा शौचासाठी गेलेली असताना मंगळवारी दि. १८ रोजी सकाळी सहा वाजता सर्पदंश झाल्याने मृत्यू झाल्याची घटना घडली आहे. फत्तेपूर पोलीस स्टेशनला अकस्मात मृत्यूची नोंद करण्यात आली आहे.
संगीता हरचंद तेली (वय ४५, रा. वाकडी ता. जामनेर) या गावात पती व तीन मुलं यांच्यासोबत राहतात. पती हरचंद हे मजुरी काम करून उदरनिर्वाह करतात. मंगळवारी दि. १८ रोजी सकाळी सहा वाजता राहत्या घरी असलेल्या शौचालयामध्ये प्रातःविधीसाठी गेल्या होत्या. या ठिकाणी दडून बसलेल्या विषारी सर्पाने तिला दोन ते तीन वेळा दंश केला. तातडीने महिलेने घरामध्ये सांगितले.
