श्रीलंकेत भारताने आशिया कप जिंकला
जळगाव (प्रतिनिधी) – श्रीलंका देशात झालेल्या आशिया चषक कप क्रिकेट स्पर्धेत अंतिम सामन्यात भारताने श्रीलंकेचा दारुण पराभव करीत १० गड्यानी विजय मिळविला. या सामन्यात सामनावीर म्हणून मोहम्मद सिराज याला उद्योजक व मूळचे जामनेर तालुक्यातील रहिवासी संजय रामलाल परदेशी यांच्या हस्ते पारितोषिक देण्यात आले. त्यामुळे श्रीलंकेत जामनेरच्या उद्योजकाची एकच छाप पडली.
उद्योजक संजय रामलाल परदेशी (निमवाळ) हे कासमपुरा येथील मुळ रहिवासी आहेत. कासमपुरा ता. जामनेर येथे त्यांचे घर असून जामनेरात ते राहतात. श्रीलंकेत अंतिम सामन्यात त्यांच्या हस्ते मोहम्मद सिराजला पारितोषिक देण्यात आले. यावेळी जेष्ठ समालोचक यांनी संजय परदेशी यांचे नाव पुकारले, तेव्हा स्टेडियममध्ये एकच जल्लोष झाला.
