जामनेर ;- जागतिक आरोग्य संघटनेने १९८८ साली पोलिओ निर्मूलनाचे ध्येय निश्चित करण्यात आले होते त्यानुसार १९९५ सालापासून राष्ट्रीय पल्स पोलिओ लसीकरण मोहीम अतिशय नियोजनबद्ध पद्धतीने आरोग्य विभागाकडून राबवली जाते. सन २०२०-२१ या वर्षातील मोहिमेचे आरोग्य विभागाकडून सुसूत्र पद्धतीने नियोजन करण्यात आले. तहसीलदार अरुण शेवाळे यांच्या अध्यतेखाली गटविकास अधिकारी जे.व्ही.कवळदेवी , तालुका आरोग्य अधिकारी डॉ. राजेश सोनवणे, वैद्यकीय अधीक्षक डॉ.विनय सोनवणे, डॉ.हर्षल चांदा,डॉ. पल्लवी राऊत, डॉ. मनोज पाटील, डॉ.राहुल निकम,डॉ.मनोज तेली,डॉ.नरेश पाटील,डॉ.प्रशांत पाटील यांच्या बैठकीत पल्स पोलिओ मोहिमेचे नियोजन करणयात आले.
जिल्हाधिकारी डॉ.अभिजित राऊत,मुख्य कार्यकारी अधिकारी डॉ. बी.एन. पाटील,जिल्हा आरोग्य अधिकारी डॉ. भीमाशंकर जमादार यांच्या मार्गदर्शनाखाली रविवार ३१ जानेवारी रोजी सम्पूर्ण जळगांव जिल्ह्यासह तालुक्यात राबविण्यात येणार आहे.
तालुक्यातील एकूण ३९९९३ शुन्य ते पाच वर्षाच्या बालकांना पोलिओ डोस तोंडावाटे देण्यात येणार आहे. सदर मोहिमेसाठी आरोग्य विभागाकडून ६२५ कर्मचाऱ्यांची नेमणुक करण्यात आली आहे. ३१जानेवारी रोजी उपजिल्हा रुग्णालय, ग्रामीण रुग्णालयात, प्राथमिक आरोग्य केंद्रे, अंगणवाडी केंद्रे, जि. प.मराठी शाळा काही खाजगी डॉक्टरांचे दवाखाने याठिकाणी बालकांना पल्स पोलिओ चे डोस देण्यात येणार आहे. जामनेर शहरात १९ तर ग्रामीण भागात २०७ पोलिओ बुथ ची व्यवस्था करण्यात आली आहे. पोलिओ पासून कोणतेही बालक वंचित राहता कामा नये यासाठी प्रत्येक रेल्वे स्टेशन, बस स्थानक इ. महत्वाच्या ठिकाणी ८ ट्रान्झिट टीम व वीटभट्टी गावापासून दूरच्या वसाहती यांच्यासाठी १३ मोबाईल टीम ची व्यवस्था करण्यात आली आहे. जामनेर शहरासाठी वैद्यकीय अधीक्षक डॉ. विनय सोनवणे व ग्रामीण भागात वैद्यकीय अधिकारी यांच्या माध्यमातुन तालुका आरोग्य अधिकारी डॉ. राजेश सोनवणे यांनी तयारी पूर्ण केली आहे. सर्व आरोग्य कर्मचारी व पोलिओ मोहिमेच्या दिवशी कामकाज करणाऱ्या कर्मचाऱ्यांचे प्रशिक्षण बशीर पिंजारी,आशा कुयटे व वनिता जाधव यांनी पुर्ण केले.
मोहिमेच्या नियोजनात बालविकास प्रकल्प अधिकारी, आय.सी.गोयल पी.एम.परदेशी, गटशिक्षणाधिकारी व्ही. डी. सरोदे, शिक्षण विस्तार अधिकारी व्ही. व्ही. काळे, बालविकास प्रकल्पाच्या सर्व पर्यवेक्षिका, अंगणवाडी सेविका, आरोग्य विभागाच्या सर्व आरोग्य सेविका आरोग्य सहाय्यीका, आरोग्य सेवक,आरोग्य सहाय्यक,सर्व आरोग्य कर्मचारी, गटप्रवर्तक, आशा स्वयंसेविका यांचे अनमोल सहकार्य लाभले.
शून्य ते पाच वर्षांच्या सर्व बालकांना यापूर्वी डोस दिलेला असला तरी,बाळाचा नुकताच जल्म झाला असला तरी किंवा बाळ आजारी असल्यास डॉक्टरांच्या सल्ल्याने पालकांनी न चुकता कोव्हिडं नियमांचे पालन करून पोलिओ डोस पाजण्याचे आव्हान आरोग्य विभागाच्या वतीने तालुका आरोग्य अधिकारी डॉ.राजेश सोनवणे व वैद्यकीय अधीक्षक डॉ. विनय सोनवणे यांच्या कडून पालकांना करण्यात येत आहे.
