अन्यायग्रस्त महिलांचा आधार, 250 उद्योगांची प्रणेती ; लक्ष्मी सम्राट कुमावत उर्फ ज्ञानदा सोनवणे यांचा गौरव!
जळगाव(प्रतिनिधी ) – सामाजिक, शैक्षणिक आणि औद्योगिक क्षेत्रांमध्ये अभूतपूर्व कार्य करत, समाजातील अन्याय-अत्याचारांविरुद्ध निर्भीड लढा देणाऱ्या जळगावच्या ‘आयर्न लेडी’ लक्ष्मी सम्राट कुमावत उर्फ ज्ञानदा सोनवणे यांना स्टार महाराष्ट्र अवॉर्ड 2025 ने नुकतेच सन्मानित करण्यात आले.
महिला सक्षमीकरण, मोठ्या प्रमाणात रोजगार निर्मिती आणि पर्यावरण संवर्धन यांसारख्या क्रांतिकारी कामांची ही अत्यंत महत्त्वाची दखल आहे. लक्ष्मी ताईंनी केवळ संघर्ष केला नाही, तर इतरांना स्वावलंबी बनवण्याची प्रेरणा दिली.
ताईंनी स्वतः 250 हून अधिक छोटे-मोठे उद्योग शिकून घेतले आणि हजारो गरीब-गरजू महिलांसाठी रोजगाराचे दरवाजे उघडले. घरबसल्या उद्योग कसे करावे आणि आर्थिकदृष्ट्या स्वावलंबी कसे बनावे, यावर त्या गावोगावी जाऊन मोफत कार्यशाळा घेतात.
लवकरच प्रायव्हेट लिमिटेड कंपनीची स्थापना करून त्या बेरोजगार तरुण-तरुणींसाठी मोठ्या प्रमाणावर रोजगार संधी उपलब्ध करून देणार आहेत.
अन्यायविरुद्ध आवाज आणि कायदेशीर मदत. न्यायासाठी निर्भीड लढा: न्याय न मिळालेल्या, अन्यायग्रस्त महिलांच्या बाजूने त्या खंबीरपणे उभ्या राहतात.
मोफत कायदेशीर मार्गदर्शन: हक्कांसाठी लढणाऱ्या महिलांना त्या निःशुल्क कायदेशीर सल्ला आणि मार्गदर्शन देतात.
सार्थक सिद्ध सेवा फाउंडेशन: या फाउंडेशनच्या माध्यमातून अनेक महत्त्वपूर्ण सामाजिक आणि जनकल्याणाचे उपक्रम राबवून त्यांनी समाजाच्या उन्नतीसाठी मोठे योगदान दिले आहे. प्रेरणा, प्रगती आणि सामाजिक बांधिलकी
नेतृत्वाचे धडे: तरुणी, महिला आणि विद्यार्थिनींना आत्मविश्वास, नेतृत्त्व आणि जीवनात यशस्वी होण्यासाठी त्या पर्सनॅलिटी डेव्हलपमेंटचे धडे देतात. अंधश्रद्धा निर्मूलन, पर्यावरण संवर्धन आणि सामाजिक जबाबदारीच्या प्रत्येक कार्यात त्यांचा सक्रिय सहभाग असतो.
“स्टार महाराष्ट्रने दिलेला हा पुरस्कार केवळ माझा नसून; तो प्रत्येक संघर्ष करणाऱ्या, उभारी घेणाऱ्या आणि स्वप्न पाहणाऱ्या महिलांचा सन्मान आहे. मी काम करत राहणार — समाज बदलणार, रोजगार वाढवणार, आणि महिलांना सक्षम बनवणार. हा पुरस्कार माझ्या हातात नाही, तो प्रत्येक त्या महिलांच्या हातात आहे ज्या भीतीवर मात करून उभ्या राहत आहेत.” स्टार महाराष्ट्र बद्दल बोलताना त्या म्हणाल्या, “जे आवाज समाजापर्यंत पोहोचायला हवेत, त्याला सुरेख ताकद देणारे माध्यम म्हणजे स्टार महाराष्ट्र. त्यांच्या या सन्मानाने माझ्या कार्याला नवी उर्जा मिळाली आहे.”
