अजिंठा गावात बसस्थानकाजवळ पोलिसांची कारवाई : पिस्टल, १० काडतुसे जप्त
जळगाव (प्रतिनिधी) : नियमित ये जा करणाऱ्या जळगाव-पुणे ट्रॅव्हल्समध्ये पिस्तुल घेऊन जाण्याऱ्या पुणे जिल्ह्यातील कोथरूड येथील तरुणाला अजिंठा गावात पोलिसांनी सापळा रचून अटक केली आहे. त्याच्याकडून एक पिस्तूल व १० जिवंत काडतुसे असे अंदाजे ३० हजार रुपयांचा मुद्देमाल जप्त करण्यात आला आहे. ही कारवाई शुक्रवार दिनांक १९ जुलै रोजी रात्री छत्रपती संभाजीनगर महामार्गावरील अजिंठा येथील हॉटेल आशीर्वादसमोर कारवाई करण्यात आली.
मयूर सतीष भरेकर (वय २८, रा. कोथरूड, ता.जि. पुणे) असे अटक केलेल्या संशयित आरोपीचे नाव आहे. याप्रकरणी पोहेकॉ संदीप कोथळकर यांनी दिलेल्या फिर्यादीवरुन आरोपीविरुद्ध अजिंठा पोलीस ठाण्यात गुन्हा दाखल करण्यात आला आहे.(केसीएन)अजिंठा पोलीस ठाण्याचे सहाय्यक पोलीस निरीक्षक अमोल ढाकणे, पोलीस उपनिरीक्षक शरद वाघुले, पोहेकों संदीप कोथळकर, संजय कोळी यांना गुप्त माहिती मिळाली. जळगाव-पुणे ट्रॅव्हल्स क्र.एमएच १९- सीवाय ०२३४ मध्ये एका जवळ पिस्टल आहे.
अजिंठा पोलिसांनी छत्रपती संभाजीनगर-जळगाव महामार्गावर शुक्रवारी रात्री ११:५० वाजेच्या सुमारास सापळा रचून अजिंठा येथील आशीर्वाद हॉटेल समोर ट्रॅव्हल्समधील एका तरुणाला ताब्यात घेतले. (केसीएन)त्याची झडती घेतली असता त्याच्याजवळ एक पिस्टल व १० काडतुसे आढळून आली. पोलिसांनी मुद्देमाल जप्त करून संशयिताला अटक केली.
ही कारवाई मनीष कलवानिया, छत्रपती संभाजीनगर ग्रामीण पोलीस अधीक्षक, सुनील लांजेवार, अपर पोलीस अधीक्षक, डॉ. दिनेशकुमार कोल्हे, उपविभागीय पोलीस अधिकारी, सिल्लोड यांच्या मार्गदर्शनाखाली अजिंठा पोलीस ठाण्याचे सहाय्यक पोलीस निरीक्षक अमोल ढाकणे, पोलीस उपनिरीक्षक शरद वाघुले, पोहेकॉ अक्रम पठाण, पोहेकॉ. संदीप कोयलकर, पोकों संजय कोळी यांनी केली.
