जळगाव तालुक्यातील भोकर येथे पालकमंत्री गुलाबराव पाटील यांचा पुढाकार
जळगाव (प्रतिनिधी) : तालुक्यातील भोकर येथे लाभार्थी बांधवांना ई-सायकलीचे वाटप करण्यात आले. पालकमंत्री गुलाबराव पाटील यांनी यासाठी पुढाकार घेतला होता. इलेक्ट्रिक सायकल स्वीकारल्यानंतर लाभार्थी बांधवांच्या डोळ्यात आनंदाश्रू तरळले. हा गोड सोहळा जळगाव ग्रामीण मतदार संघातील भोकर गावात संपन्न झाला.
भोकर गावात दिव्यांग बांधवांना पहिल्या टप्प्यात ४ तर आज दुसऱ्या टप्प्यात ७ इलेक्ट्रिक सायकल वाटप करण्यात आल्यात. त्यात अनिल अशोक पवार, रघुनाथ एकनाथ वाघ, ज्ञानेश्वर भगवान बाविस्कर, राकेश प्रभाकर सोनवणे, अनिल सुकदेव भोई, दिलीप नाना पाटील, पवन अंबादास पाटील यांचा समावेश होता. विशेष म्हणजे गावातील उपस्थित असणाऱ्या सातही गरजू दिव्यांग बांधवांना इलेक्ट्रिक सायकल वाटप ग्रामस्थांच्या हस्तेच घर बसल्या गावातच देण्यात आल्या.
सायकल घेतल्यानंतर अनेक दिव्यांग बांधवांच्या डोळ्यात आनंदाश्रू होते. ते सर्व गुलाबभाऊंचे आभार व्यक्त करत होते. यावेळी ग्रामस्थांनी सुद्धा गुलाबभाऊंचे आभार मानले. या प्रसंगी गावातील जेष्ठ नागरिक सुभाष आप्पा, रामकृष्ण धनगर, भागवत पांडू, युवराज वामन, सुभाष टेलर, डॉ. दिलीप लाठी, गोपाळ भाऊसाहेब, प्रविण पुंडलिक, सरपंच भीमराव सोनवणे, माजी सरपंच अरुण भाऊ, रवींद्र सोनवणे, प्रमोद सोनवणे दिपक पाटील, उपसरपंच भोला, सचिन लाठी, लीलाधर लालचंद, गणेश नामदेव, नामदेव कठोरा आदी मान्यवर उपस्थित होते.
