शिरसोलीच्या दोन्ही गावांसह ३६ गावांवर येणार महिलाराज
जळगाव (प्रतिनिधी) : जळगाव तालुक्यातील ग्रामपंचायतच्या सरपंचपदाच्या आरक्षण सोडती तहसीलदार शितल राजपूत यांच्या उपस्थितीमध्ये सोमवारी दि. २१ एप्रिल रोजी काढण्यात आल्या. यावेळी अनेक राजकीय कार्यकर्त्यांची उपस्थिती दिसून आली. आरक्षण सोडतीमध्ये अनुसूचित जातीसाठी ६, अनुसूचित जमातीसाठी १७, ओबीसी साठी ११ तर खुल्या संवर्गासाठी ३५ आरक्षण काढण्यात आले आहेत.
सदर तालुकानिहाय सभेला तहसीलदार शितल राजपूत, तहसीलदार राहुल वाघ, गटविकास अधिकारी सरला पाटील, म्हसावदचे मंडळ अधिकारी अजिंक्य आंधळे, विस्तार अधिकारी धीरज बढे, महसूल सहाय्यक अश्विनी कोळी-वाघ, महसूल सहाय्यक गंगाधर सोनवणे उपस्थित होते. आरक्षण सोडतीमध्ये अनुसूचित जातीकरिता राखीव कुसुंबे खुर्द, उमाळे, मन्यारखेडा याशिवाय महिलासांठी ममुराबाद, वडली, वसंतवाडी यांचा समावेश आहे.(केजीएन)अनुसूचित जमातीमध्ये पाथरी, तरसोद, म्हसावद, सुभाषवाडी, रामदेव वाडी, विदगाव, डिक्साई, नांद्रा खुर्द, भोकर, तुरखेडा, सावखेडा खुर्द, निमगाव बुद्रुक, नांद्रा बुद्रुक, धानोरे बुद्रुक, नंदगाव, कठोरा, खेडीखुर्द यांचा समावेश आहे. यात विदगाव, तरसोद, म्हसावद, निमगाव बुद्रुक, धानोरे बुद्रुक, नंदगाव, खेडी खुर्द, नांद्रा बुद्रुक, तुरखेडे महिलांसाठी राखीव आहेत.
नागरिकांचा मागास प्रवर्ग यामध्ये असोदा, धामणगाव, धानवड, फूपनगरी, घार्डी, कुवारखेडे, फुपणी, रायपूर, रिधुर, शेळगाव, वावडदे या ११ ग्रामपंचायत निश्चित करण्यात आले आहेत. धामणगाव, धानवड, कुवारखेडे, शेळगाव, वावडदे, रिधुर या महिलांसाठी राखीव आहेत. याशिवाय शिल्लक राहिलेल्या एकूण ३५ ग्रामपंचायती सर्वसाधारण प्रवर्गासाठी आहेत. यामध्ये शिरसोली प्र.बो., शिरसोली प्र. न., बेळी, आवार, बिलवाडी, जळगाव खुर्द, चिंचोली, वडनगरी, किनोद, भादली बुद्रुक, जळके, गाढोदे, पिलखेडे, जवखेडे, दापोरा, मोहाडी, कानळदा, भोलाणे हे महिलांसाठी राखीव आहेत. याशिवाय आमोदे बु.,आव्हाणे, भादली खुर्द, बोरनार, देऊळवाडा, डोमगाव, जामोद, कडगाव, कंडारी, करंज, लमांजन, लोणवाडी बुद्रुक, पळसोद, पिलखेडा, सावखेडा बुद्रुक, वराड बुद्रुक, विटनेर यांचाही सर्वसाधारण प्रवर्ग आरक्षणात समावेश आहे.
