जळगाव (प्रतिनिधी ) तालुक्यातील शिरसोली येथील हिराबाई जगतराव पाटील माध्यमिक विद्यालय शिरसोली (प्र.बो) येथे डॉ.सर्वपल्ली राधाकृष्णन व सर्वज्ञ श्री.चक्रधर स्वामी अवतार दिन साजरा करण्यात आला .
दिनांक 5 सप्टेंबर रोजी सौ. हिराबाई जगतराव पाटील माध्यमिक विद्यालयांमध्ये डॉ. सर्वपल्ली राधाकृष्णन व सर्वज्ञ श्री चक्रधर स्वामी यांचा अवतार दिन साजरा करण्यात आला. याप्रसंगी डॉ. सर्वपल्ली राधाकृष्णन व सर्वज्ञ श्री चक्रधर स्वामी यांच्या प्रतिमेचे पूजन शाळेच्या प्राचार्य सौ के पी पाटील यांनी केले. प्रतिमेस पुष्पगुच्छ अर्पण केले.
कार्यक्रमाच्या अध्यक्षस्थानी विद्यालयाच्या प्राचार्या सौ. के. पी. पाटील या होत्या . तर प्रमुख पाहुणे म्हणून संस्थेचे संस्थापक आप्पासो जगतराव बारकू पाटील व शालेय समिती चेअरमन दादासो. प्रमोद जगतराव पाटील हे उपस्थित होते.तसेच ज्येष्ठ शिक्षिका सौ ज्योती पाटील , सौ सुरेखा ढाके ,सौ कामिनी पाटील मॅडम, सौ योगिता बडगुजर ,मॅडम ,सौ ज्योती सोनवणे व विजय पाटील या कार्यक्रमास उपस्थित होते. कार्यक्रमाचे अध्यक्षा सो के पी पाटील यांनी भगवान सर्वज्ञ श्री चक्रधर स्वामी यांच्या कार्याविषयी मौलिक माहिती सांगितली आणि समस्त मानव जातीमध्ये एकमेकांप्रती आदर, सन्मान,प्रेम, दयाभाव ,अहिंसा या सदगुणांचा मनःपूर्वक स्वीकार व्हावा याविषयी विद्यार्थ्यांना मार्गदर्शन केले . सांस्कृतिक विभाग प्रमुख सौ.सूरेखा ढाके यांनी विद्यार्थ्यांना अनमोल असं मार्गदर्शन केले. कार्यक्रमाचे सूत्रसंचालन इयत्ता दहावीचा विद्यार्थी कु.योगीराज बुंधे यांनी केले तर आभार कु. निखिल बारी यांनी मानले मानले.
