चाळीसगाव तालुक्यातील बहाळ येथील घटना
चाळीसगाव (प्रतिनिधी) :- तालुक्यातील बहाळ येथील इसमाने शुक्रवारी सकाळी राहत्या घरी छताला गळफास लावून घेत आत्महत्या केल्याची घटना उघडकीस आली आहे. याप्रकरणी मेहुणबारे पोलीस स्टेशनला अकस्मात मृत्यूची नोंद करण्यात आली आहे.
बहाळ येथील होळी मैदान परिसरातील रहिवासी ईश्वर गुलाब पाटील (वय ४४) असे मयत इसमाचे नाव आहे. ईश्वर पाटील यांच्या पश्चात आई-वडील, पत्नी चार वर्षाची मुलगी, वहिनी व पुतण्या असा परिवार आहे. या तरुणाने शुक्रवारी सकाळी ११ वाजेच्या सुमारास राहत्या घरातील वरच्या मजल्यावर छताच्या लोखंडी कडीला दोर बांधून गळफास घेऊन आत्महत्या केली.
आई-वडील व पत्नी वरच्या मजल्यावर गेले असता ही घटना उघडकीस आली. अमोल पाटील यांच्या माहितीनुसार, मेहुणबारे पोलिस स्टेशनला अकस्मात मृत्यूची नोंद करण्यात आली. पुढील तपास पोलिस कर्मचारी विश्वास देशमुख हे करीत आहेत. बहाळ गावात शोककळा पसरली आहे.
