जळगाव एमआयडीसी पोलिसांची कारवाई
जळगाव (प्रतिनिधी) : जळगाव जिल्ह्यातून हद्दपार केलेले असतानादेखील मेहरुण तलावाजवळ सुरा घेऊन फिरणाऱ्या आशुतोष उर्फ आशू सुरेश मोरे (२१, रा. रामेश्वर कॉलनी) याच्यावर कारवाई करित पोलिसांनी त्याच्याकडून सुरा जप्त केला.
ही कारवाई २ जून रोजी मेहरुण परिसरात करण्यात आली. या प्रकरणी एमआयडीसी पोलिस ठाण्यात गुन्हा दाखल करण्यात आला आहे.
आशुतोष मोरे याला जिल्ह्यातून हद्दपार करण्यात आले आहे. असे असताना तो मेहरुण तलाव परिसरात सुरा घेऊन फिरत असल्याची माहिती एमआयडीसी पोलिसांना मिळाली. त्यांनी कारवाई करत सुरा जप्त केला.
या प्रकरणी पोकॉ चंद्रकांत पाटील यांनी एमआयडीसी पोलिस ठाण्यात फिर्याद दिली. त्यावरून आशुतोषविरुद्ध गुन्हा दाखल करण्यात आला आहे. पुढील तपास पोहेकॉ रामकृष्ण पाटील करीत आहेत.
