जळगावात रचना कॉलनीतील घटना, दोघांना अटक
जळगाव (प्रतिनिधी) – जळगाव शहरात गुंडगिरी बोकाळत चालली असून रचना कॉलनीत चार गुंडांनी एका दाम्पत्याच्या घरात घुसून जबर तोडफोड केली. त्यानंतर या दाम्पत्याला कोयत्याने, लाथा-बुक्यांनी मारहाण केली. यात दोघेजण गंभीर जखमी झाले असून एमआयडीसी पोलीस स्टेशनला गुन्हा दाखल करण्यात आला आहे. यातील दोघांना अटक करण्यात येऊन त्यांना दोन दिवस पोलीस कोठडी सुनावण्यात आली आहे.
गोपाल मधुकर चौधरी (वय ४८ वर्षे, रा. रचना कॉलनी, जळगाव) यांनी फिर्याद दिली आहे. ते त्यांच्या परिवारासह राहतात. गुरुवारी दि. १४ रोजी संध्याकाळी तब्बेत बरी नसल्याने औषधांच्या दुकानावर ते गोळ्या घेण्यासाठी बाहेर गेलो. तेव्हा त्यांचे घरात अचानक शेंडया उर्फ सुनिल रसाळ राठोड, अनिल रसाळ राठोड (दोन्ही रा. कांचन नगर, जळगाव), तांडव उर्फ विशाल पदमसिंग परदेशी (वय ३२, रा. कुसुंबा ता. जि जळगाव) व यांचे सोबत एक अनोळखी इसम असे आले. मागील भांडणाचे कारणावरुन घरात घुसुन घरातील सामान टि.व्ही., फ्रिज, दुकानासाठी लागणारा चिकनचा व घरातील इतर सामान अस्ताव्यस्त करुन फेकुन दिले. डब्यात ठेवलेले सोन्याची चिप कुठेतरी पडुन गेली.
घरात घुसलेले चारही इसम फिर्यादीच्या दिशेने पळत आले व शेंडया उफ सुनिल रसाळ राठोड याने त्यांचे हातातील कोयता माझे डोक्यात मारला. तांडव उर्फ विशाल परदेशी याने उलट्या कोयत्याने पाठीत तसेच पोटात मारहाण केली. तसेच अनिल रसाळ राठोड व एक अनोळखी इसम यांनी लाथाबुक्यांनी तोंडावर, पाठीवर मारले. फिर्यादीची पत्नी सोडविण्यास आले असता तिला सुध्दा गुंडांनी मारहाण केली व घराचे बाहेर उभी असलेली बुलेट, स्पेंडर तोडुन नुकसान केले. सर्व गुंडांनी, तुम्ही आमचे विरुध्द पोलीस स्टेशनला मागे तक्रार केली होती. तुला व तुझे मुलांना जिथे दिसेल तिथे मारुन टाकील असे बोलून शिवीगाळ केली.
त्यांनंतर फिर्यादीने एमआयडीसी पोलीस स्टेशनला जाऊन तक्रार दाखल केली. त्यानुसार चौघा गुंडांवर गुन्हा दाखल करण्यात आला असून तपास एएसआय राजेंद्र उगलें करीत आहे. दरम्यान, यातील सुनील रसाल राठोड उर्फ शेंड्या व विशाल पदमसिंह परदेशी उर्फ तांडव यांना कांचन नगर परिसरातून ताब्यात घेऊन अटक करण्यात आली. शुक्रवारी १५ रोजी न्यायमूर्ती सुवर्णा कुलकर्णी यांच्या न्यायालयात हजर करण्यात आले. दोघांना दोन दिवसाची पोलीस कस्टडी रिमांड मिळालेली आहे. सुनील रसाळ याच्यावर यापूर्वी पाच गुन्हे दाखल असून विशाल याच्यावर दोन गुन्हे दाखल आहे. सदरची कारवाई पोलीस निरीक्षक जयपाल हिरे यांच्या मार्गदर्शनाखाली पोलीस उपनिरीक्षक दीपक जगदाळे, सहाय्यक फौजदार अतुल वंजारी, राजेंद्र उगले, छगन तायडे, सुधीर साळवे, इमरान सय्यद, ललित नारखेडे, किरण पाटील, सचिन पाटील अशांनी केलेली आहे.
