जळगाव ( प्रतिनिधी ) – गुजराल पेट्रोल पंपजवळ टपरीच्या आडोश्याला सट्टा जुगार अड्ड्यावर स्थानिक गुन्हे शाखेच्या पथकाने छापा टाकून दोन जणांना ताब्यात घेतले आहे. ही कारवाई आज दुपारी केली जिल्हा पेठ पोलीस ठाण्यात दोघांवर गुन्हा दाखल करण्यात आला .
शामलाल चंदुमल कुकरेजा (वय-६२, रा. सिंधी कॉलनी ) आणि जगन्नाथ काकडू महाजन (वय-३८ , रा. धानोरा ) अशी ताब्यात घेतलेल्या दोन संशयित आरोपींची नावे आहेत. गुजराल पेट्रोल पंपजवळ बंद पडलेल्या टपरीच्या आडोश्याला काहीजण मटका सट्टा जुगार खेळत असल्याची गोपनिय माहिती स्थानिक गुन्हे शाखेचे पो नि किरणकुमार बकाले यांना मिळाली. त्यानुसार पो.ना. किरण धनगर, पोहेकॉ दिपक पाटील, प्रमोद लाडवंजारी हे आज दुपारी संशयिताच्या शोधार्थ रवाना झाले. जुगार अड्ड्यावर छापा टाकून संशयित आरोपी शामलाल कुकरेजा आणि जगन्नाथ महाजन या दोघांना ताब्यात घेतले आहे. दोघांकडून रोकड आणि जुगार खेळण्याचे साहित्य हस्तगत करण्यात आले पो ना किरण धनगर यांच्या फिर्यादीवरून दोघांवर सायंकाळी जिल्हा पेठ पोलीस ठाण्यात गुन्हा दाखल करण्यात आला.
