आम आदमी पार्टीची सीईओ अंकित यांच्याकडे मागणी
जळगाव (प्रतिनिधी) – चोपडा तालुक्यातील सर्वाधिक लोकसंख्यामध्ये क्रमांक २ वर असलेल्या “चहार्डी” गावात ग्रामसेवक सतत गैरहजर राहत असल्याने ग्रामस्थ वैतागले आहेत. त्यामुळे सरकारी कामे प्रलंबित पडून आहेत. याकरिता नवीन क्रियाशील ग्रामसेवक द्या अन्यथा गावाला अनाथ घोषित करा अशी मागणी आम आदमी पार्टीतर्फे जिल्हा परिषदेचे मुख्य कार्यकारी अधिकारी श्री अंकित यांना निवेदनाद्वारे करण्यात आली आहे.
चहार्डीत ग्रामसेवक सतत गैरहजर असल्यामुळे तिथल्या नागरिकांना सुविधा मिळत नाही. उतारे, दाखले,गावातील समस्या साफसफाई यासह उघड्यावरील मैला नदीत वाहून जातो. त्यामुळे नळाचा पाण्याचा रिपोर्ट दूषित आलेला आहे. तरीदेखील ग्रामसेवक, सरपंच.कोणीही कारवाई करीत नाही. यामुळे गावकरी पूर्णपणे त्रस्त झालेले आहेत. ग्रामपंचायत मधील कामगारांचा पगार स्थगित असल्यामुळे कामगार कामावर येत नाही व दिव्यांग यांना निधी मिळाला नसून दिव्यांग वंचित आहेत .व विविध प्रकाराच्या गावातील समस्या.याकरिता गावासाठी पूर्ण वेळ ग्रामसेवक यांची नियुक्ती करावी यासंदर्भामध्ये आम आदमी पार्टीचे साखळी उपोषण गेल्या ९ ऑगस्ट पासून सुरू आहे.
आम आदमी पार्टीचे जिल्हाध्यक्ष मिलिंद चौधरी यांनी जिल्हा परिषद सीईओ यांची भेट घेऊन चहार्डी गावकऱ्यांची व्यथा मांडली आपण दोन दिवसात प्रत्यक्ष चहार्डी गावाला भेट दयावी व तेथील ग्रामस्थांची व्यथा ऐकून त्वरित पूर्णवेळ ग्रामसेवक नियुक्त करावे अन्यथा चहाडी गावाला अनाथ गाव म्हणून घोषित करावे असे यावेळी जिल्हाध्यक्षांनी मागणी केली. यावेळेस योगेश हिवरकर, मीडिया प्रमुख योगेश भोई, डॉ अनुजा पाटील, सरिता तायडे, डॉ नारायण आटकोरे, पवन खंबायत, ओम प्रकाश अग्रवाल, मुकुंदा बराटे, भीमराव मोरे आदी कार्यकर्ते मोठ्या संख्येने उपस्थित होते.
