पाचोरा (प्रतिनीधी) : पाचोरा तालुका सहकारी शिक्षण संस्था संचालित गो.से. हायस्कूल येथील शिक्षक व शिक्षकेतर कर्मचाऱ्यांच्या पतपेढीच्या अध्यक्षपदी पर्यवेक्षक ए.बी.अहिरे व उपाध्यक्षपदी शाळेचे क्रीडा प्रमुख संजय करंदे यांची बिनविरोध निवड करण्यात आली.
नियुक्तीनंतर पतपेढीच्या माजी अध्यक्षा पी.एम. वाघ यांच्या हस्ते व सचिव आर. एल.पाटील यांच्या हस्ते नवनियुक्त पदाधिकाऱ्यांचा स्वागत करून सत्कार करण्यात आला. त्यांच्या या नियुक्तीबद्दल संस्थेचे अध्यक्ष दिलीप वाघ, चेअरमन संजय वाघ,मानद सचिव ऍड. महेश देशमुख, व्हा.चेअरमन व्ही.टी.जोशी, शालेय समितीचे चेअरमन खलील देशमुख, तांत्रिक विभागाचे चेअरमन वासुदेव महाजन, शाळेचे मुख्याध्यापक एन.आर. ठाकरे सर्व शिक्षक व शिक्षकेतर कर्मचारी यांनी अभिनंदन केले आहे.
