डॉ.उल्हास पाटील वैद्यकिय महा.सह गोदावरीच्या विविध संस्थामध्ये शिवजंयती जल्लोष

जळगाव ( प्रतिनिधी ) – छत्रपती शिवाजी महाराज जयंतीनिमित्त डॉ. उल्हास पाटील वैद्यकिय महाविद्यालयासह विविध संस्थामध्ये दि १९ फेब्रुवारी रोजी भव्य मिरवणूक आणि विविध कार्यक्रमाचे आयोजन करण्यात आले आहे.
छत्रपती शिवाजी महाराज जयंती उत्सव समिती, यांच्या वतीने सकाळी ८.३० वाजता वैद्यकिय महाविद्यालय परिसरातून मिरवणुकीला सुरुवात होणार आहे. ढोल-ताशे, भगवे ध्वज आणि शिवजयघोषाने परिसर दुमदुमणार असून शिवभक्त मोठ्या संख्येने सहभागी होणार आहेत. .
या सोहळ्यास माजी खा.डॉ.उल्हास पाटील,सचिव डॉ.वर्षा पाटील, वैद्यकिय संचालक डॉ. एन एस आर्विकर, अधिष्ठाता डॉ. प्रशांत सोळंके, प्रशासन अधिकारी प्रमोद भिरूड यांच्यासह विविध क्षेत्रातील मान्यवर डॉक्टर, उपस्थित राहणार आहेत. शिवरायांचे विचार व स्वराज्याची संकल्पना नव्या पिढीपर्यंत पोहोचवण्याच्या उद्देशाने हा उत्सव साजरा केला जाणार असल्याचे आयोजकांनी सांगितले असून नागरिकांनी मोठ्या संख्येने सहभागी व्हावे, असे आवाहन करण्यात आले आहे.याचबरोबर गोदावरी नर्सिंग,डॉ.उल्हास पाटील फिजिओथेरेपी, होमीओपॅथीक, डॉ.गुणवंतराव सरोदे आयुर्वेद महाविद्यालय,डॉ.उल्हास पाटील कृषि,कृषि अभियांत्रिकी,अन्न व तंत्रज्ञान महाविद्यालय,गोदावरी अभियांत्रिकी, गोदावरी आयएमआर, गोदावरी सीबीएसई,डॉ वर्षापाटील टेक्नॉलॉजी,फॅशन टेक्नॉलॉजी, डॉ.उल्हास पाटील विधी व विज्ञान महाविद्यालय येथे उत्सव साजरा करण्यात येणार आहे.