जळगाव ( प्रतिनिधी ) – आंतर अभियांत्रिकी क्रीडा संघटनेच्या वतीने आयइडीएसएसए अंतर्गत गोदावरी तंत्रनकेतन, जळगाव येथे मुलींच्या राज्यस्तरीय कबड्डी व खो-खो स्पर्धांचे भव्य आयोजन करण्यात आले आहे.
स्पर्धा दिनांक १२ फेब्रुवारी २०२६ पासून सुरू होणार असून राज्यभरातील विविध भागातून भाग घेणार्या संघांच्या उपस्थितीमुळे क्रीडांगणात उत्साहाचे वातावरण निर्माण झाले आहे. यावेळी जळगाव शहराच्या महापौर सौ. दीपमाला काळे मुख्य अतिथी म्हणून सहभागी होतील. तसेच गोदावरी फौंडेशनचे अध्यक्ष डॉ. उल्हास पाटील, गोदावरी फौंडेशनच्या सचिव डॉ. वषाग पाटील, शासकीय तंत्रनकेतन, जळगाव चे प्राचार्य डॉ. पराग पाटील आणि इतर मान्यवर उपस्थित राहणार आहेत, असे आयोजकांनी सांगितले आहे.राज्यातील विविध जिल्ह्यांमधून संघ उपस्थित आहेत, ज्यात मुंबई, रायगड, सोलापूर, सांगली, पुणे, लातूर, इंदापूर, जालना आदी प्रमुख भागांचा समावेश आहे – या स्पर्धा तरुण खेळाडूंसाठी कौशल्य प्रदर्शण्याचे एक महत्त्वाचे व्यासपीठ ठरत आहेत.स्पर्धेच्या आयोजनात स्वच्छ नियोजन, खेळाडूंचे निवासी व भोजन व्यवस्था आणि इतर आवश्यक सुविधांची योग्य तरतूद करण्यात आलेली आहे. आयोजकांचे असे म्हणणे आहे की स्पर्धेदरम्यान क्रीडाभावना, संघभाव व नैतिकता यांच्या मूल्यांचा प्रसार होईल आणि तरुण खेळाडूंमध्ये सहभाग व उत्साह वाढवेल.सर्वसामान्य क्रीडा रसिकांना या राज्यस्तरीय स्पर्धेस हजेरी लावून खेळाडूंना प्रोत्साहन देण्याचे आवाहन करण्यात आले आहे.
