जळगाव : गोदावरी फाउंडेशन संचलित गोदावरी तंत्रनिकेतन, जळगाव येथे प्रथम वर्षाच्या नवागत विद्यार्थ्यांसाठी आरंभ (इंडक्शन) कार्यक्रम २०२६-२७ उत्साहात संपन्न झाला. विद्यार्थ्यांना महाविद्यालयीन वातावरण, शैक्षणिक पद्धती, विविध संधी तसेच विद्यार्थी म्हणून असलेल्या जबाबदार्यांची ओळख करून देणे हा कार्यक्रमाचा मुख्य उद्देश होता.
कार्यक्रमाची सुरुवात सरस्वती पूजन व नवागत विद्यार्थ्यांच्या स्वागताने झाली. गोदावरी अभियांत्रिकी महाविद्यालयाचे प्राचार्य डॉ. विजयकुमार पाटील यांनी विद्यार्थ्यांना मार्गदर्शन करताना आत्मविश्वास, संवादकौशल्य, व्यक्तिमत्त्व विकास, शिस्त तसेच तांत्रिक व व्यावसायिक कौशल्ये विकसित करण्याचे महत्त्व स्पष्ट केले.तंत्रनिकेतन समन्वयक प्रा. दीपक झांबरे यांनी महाविद्यालयीन नियम, शैक्षणिक धोरणे, उपस्थिती, शिस्त आणि विविध उपक्रमांमध्ये सक्रिय सहभागाबाबत मार्गदर्शन केले. दुपारच्या सत्रात गोदावरी आयएमआरचे संचालक डॉ. प्रशांत वारके यांनी मानवी मूल्ये, सह-अभ्यासक्रम उपक्रम आणि लिंग-समानता या विषयावर मार्गदर्शन करत मानवी मूल्ये, परस्पर आदर, सर्जनशीलता आणि समानतेचे महत्त्व सांगितले.दुसर्या दिवशी आयोजित पालक मेळाव्यात डॉ. विजयकुमार पाटील यांनी विद्यार्थ्यांचा सर्वांगीण विकास ही विद्यार्थी, पालक आणि प्राध्यापकांची संयुक्त जबाबदारी असल्याचे सांगितले. यावेळी पालकांनीही आपल्या सूचना व अपेक्षा व्यक्त केल्या. माजी विद्यार्थ्यांनी संवाद सत्रातून शैक्षणिक अनुभव, करिअरचा प्रवास आणि पुढील वाटचालीबाबत विद्यार्थ्यांना मार्गदर्शन केले.अंतिम सत्रात डॉ. पी. पी. चौधरी, प्राचार्य, शासकीय तंत्रनिकेतन, जळगाव आणि प्रा. नितीन पाटील, अधिष्ठाता यांनी ‘घ’ योजना,शैक्षणिक रचना, मूल्यमापन व क्रेडिट्स याबाबत माहिती दिली.कार्यक्रमाचे समन्वयक प्रा. नेहा चौधरी व प्रा. हर्षा पाटील यांच्या मार्गदर्शनाखाली तसेच प्रथम वर्ष विभागातील प्राध्यापकांच्या सहकार्याने कार्यक्रम यशस्वी झाला. सूत्रसंचालन प्रा. वेणू फिरके यांनी केले.कार्यक्रमाच्या यशस्वी आयोजनाबद्दल गोदावरी फाउंडेशनचे अध्यक्ष डॉ. उल्हास पाटील, सचिव डॉ. वर्षा पाटील, सदस्य डॉ. केतकी पाटील, डॉ. वैभव पाटील व डॉ. अनिकेत पाटील यांनी आयोजकांचे कौतुक केले.
