यावल (प्रतिनिधी) – महसूल विभागाच्या पथकाने चोरटया मार्गाने गौण खनिज वाहतुक करणाऱ्या एका डंपरसह दोन ट्रॅक्टर पकडले. यामुळे वाळू माफियांचे धाबे दणाणले आहे.
यावल तालुक्यातील फैजपुर शहरात बामणोद म्हैसवाडी रस्त्यावर २२ ऑक्टोबर रोजी ट्रॅक्टर (क्रं- एमएच १९ ए एन ४०२८) द्वारे अवैध गौण खनिज वाहतुक करतांना बामणोद क्षेत्राचे तलाठी यांनी पकडले. २३ ऑक्टोबर रोजी रात्री यावलचे तहसीलदार महेश पवार यांच्या मार्गदर्शनाखाली मंडळ अधिकारी सचिन जगताप , स्वप्नील तायडे (तलाठी ) यांच्या पथकाने कोळन्हावी येथील एमएच १९ झेड. ४१६३ क्रमांकाच्या डंपरला विनापरवाना वाळु वाहतुक करतांना पकडले. तसेच भालोद येथील मंडळ अधिकारी एम पी देवरे व तलाठी दिपक गवई , पाडळसा येथील भुषण चौधरी , भालोदचे निलेश धांडे , देशभ्रतार यांनी फैजपुर शहरात ट्रॅक्टर (क्रं एमएच १९ पी १७८०) मधून विनापरवाना गौण खनिज वाहतुक करतांना पकडले. या वाहनांच्या मालकांकडून चार लाख रूपयांपर्यंत दंड वसुलीची कारवाई करण्यात येणार असल्याची माहिती महसूल विभागाने दिली.
