एलसीबीची कामगिरी
जळगाव (प्रतिनिधी) – येथील स्थानिक गुन्हे अन्वेषण शाखेने अट्टल मोटारसायकल चोरट्याला अटक केली आहेत. या संशयित आरोपीने अडावद हद्दीत दोन घरफोड्या केल्याची कबुली दिली असून त्यासोबतच अडावद व धरणगाव हद्दीतून प्रत्येकी एक दुचाकी चोरल्याची कबुली दिली आहे.
प्रवीण लोटन कोळी (३०, सुटकार, ता.चोपडा) असे अटकेतील संशयिताचे नाव आहे. गोपनीय माहिती मिळाल्यावरून त्याला ताब्यात घेऊन विचारपूस करण्यात आली. त्यानंतर त्याने चोरीच्या दोन दुचाकी काढून दिल्या आहे. ही कारवाई जळगाव पोलीस अधीक्षक डॉ.महेश्वर रेड्डी यांच्या मार्गदर्शनाखाली जळगाव गुन्हे शाखेचे वरीष्ठ पोलीस निरीक्षक किसनराव नजन पाटील यांच्या नेतृत्वात सहाय्यक फौजदार अनिल जाधव, रवी नरवाडे, हेमंत पाटील, बबन पाटील आदींच्या पथकाने केली. आरोपीच्या ताब्यात चोरी केलेल्या दोन दुचाकी जप्त करण्यात आल्या असून संशयिताला अडावद पोलिसांच्या ताब्यात देण्यात आले आहे.
