रावेर पोलीस स्टेशनची कारवाई
जळगाव (प्रतिनिधी) : रावेर शहरातील घरफोडीप्रकरणी पोलिसांनी सखोल तपास करून दोन संशयित आरोपींच्या रावेर ते सावदा रस्त्यावर मुसक्या आवळल्या आहेत. त्यांना अटक करण्यात आली असून त्यांच्याकडून ७८ हजार ३६० रुपयांचा मुद्देमाल जप्त करण्यात आला आहे.
रावेर शहरातील श्रीकृष्ण नगरात प्रवीण सिताराम महाजन (वय ३४) यांच्या घरामध्ये दि. ६ सप्टेंबर रोजी सकाळी ८ वाजता अज्ञात चोरट्यांनी घरफोडी केली होती. (केसीएन)याप्रकरणी रावेर पोलीस स्टेशनला दाखल गुन्ह्यामध्ये पोलिसांचा तपास सुरू होता. दरम्यान पोलिसांना मिळालेल्या माहितीनुसार रावेर ते सावदा रस्त्यावर अज्ञात संशयित आरोपी असल्याची माहिती मिळाली.
त्यानुसार गैबनशहा बाबांच्या दर्ग्याच्या टेकडीखाली गोलूसिंग नशीबसिंग पटवा (वय २०, रा.बडवणी जिल्हा) आणि सुनीलसिंग केवलसिंग बरनाल (वय २६, रा.धार जि मध्यप्रदेश) या संशयित आरोपींना अटक करण्यात आली.
त्यांच्याकडून दुचाकी चोरी करण्याचे साहित्य तसेच ३ हजार रुपये किमतीची चांदीचे पैंजण असा मुद्देमाल जप्त करण्यात आला आहे. सदरची कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, डीवायएसपी अन्नपूर्णा सिंह यांच्या मार्गदर्शनाखाली निरीक्षक विशाल जयस्वाल, उपनिरीक्षक तुषार पाटील, घनश्याम तांबे, हेड कॉन्स्टेबल ईश्वर चव्हाण, सचिन घुगे, सुकेश तडवी, विकारोद्दिन शेख, अमोल जाधव, विशाल पाटील, महेश मोगरे, प्रमोद पाटील यांनी केली आहे.
