एम.आय.डी.सी. पोलीसांची कारवाई
जळगाव ( प्रतिनिधी ) – तालुक्यातील मोहाडी येथील नवीन कॉलनी भागात काल सायंकाळी पोलिसांनी टाकलेल्या धाडीत १२०० रुपयांची गावठी दारू जप्त करण्यात आली .
एम. आय. डी. सी पोलीस ठाण्यातील हे कॉ शुद्धोधन ढवळे यांनी दाखल केलेल्या फिर्यादीत म्हटले आहे की , काल पोहकों जितेंद्र राठोड, पोना समाधान हाकळे यांना सपोनि अमोल मोरे यांनी गुप्त बातमीदारामार्फत समजलेली माहिती दिली होती मोहाडी येथे नविन कॉलनी बाजुला एक आरोपी गावठी दारूची चोरटी विक्री करीत असल्याचे समजल्याने कारवाईची सूचना दिली होती . या पथकाने मोहाडी येथे सायंकाळी साडेपाच वाजेच्या सुमारास छापा टाकला आरोपीला जागीच पकडले . सिताराम वामन सकपाळे ( वय-56 ,रा नविन कॉलनी) असे आरोपीचे नाव आहे . त्याच्या ताब्यातून 1200 /- रूपये किमतीची 20 लिटर गावठी दारू व दहा पंच कंपनीच्या दारुच्या बाटल्या जप्त करण्यात आल्या . पोलिसांनी पंचनामा करून ही दारू नष्ट केली या आरोपीच्या विरोधात एम आय डी सी पोलीस ठाण्यात गुन्हा दाखल करण्यात आला आहे .
