एरंडोल (प्रतिनिधी) – एरंडोल नगरपालिकेमार्फत आजपासून स्वच्छता मोहिमेची सुरुवात करण्यात आली आहे.
नगरसेवक नितिन चौधरी व नगरसेविका बानो बी गुलाब बागवान यांच्या घरापासून त्यांच्या हस्ते या मोहिमेला सुरुवात करण्यात आली. या मोहिमेत मुख्याधिकारी विकास नवाळे, कार्यालय अधिक्षक हितेश जोगी. आरोग्य निरिक्षक अनिल महाजन, देवेंद्र शिंदे, डॉ.अजित भट, विवेक कोळी, विनोद पाटील, भूषण महाजन, महेंद्र पाटील, डॉ.योगेश सुकटे, शिवशंकर ठाकूर, सौरभ बागड, गोसावी, विकास पंचबुध्दे, प्रियंका जैन आदीसह अधिकारी कर्मचारी स्वछता मोहिमेत सहभागी होते.
पावसाळा सुरु असल्यामुळे एरंडोल शहरात साथीचे रोगाचे प्रमाण वाढण्याची नाकारता येत नाही. त्यावर उपाययोजना म्हणून शहरातील नाले, गटारी, रस्ते, खुल्या जागा इत्यादीची युध्दीपातळीवर प्रत्येक प्रभागानुसार दर बुधवारी सर्व एकूण १० प्रभागांची साफसफाई करण्याची व वृक्षारोपणांची मोहिम हाती घेण्यात आलेली आहे.
नगरपालिकेतील अधिकारी व कर्मचाऱ्यांची चार पथके तयार करुन कामाचे वाटप करण्यात आलेले आहे. प्रभाग क्र.८ मधील मेन रोड, मुजावर वाडा, पाताळ नगरी , भोई गल्ली, भावसार गल्ली, भागातील नाले, गटारी, रस्ते, खुल्या जागेतील परिसरात सफाई फवारणी करुन परिसरातील सौदर्यात भर पडण्यासाठी वृक्ष व फळझाडे लागवडीचा देखील समावेश करण्यात आलेला आहे. एरंडोल नगरपालिकेमार्फत वृक्षांचे संगोपन नागरीकानी करुन न.पा.स सहकार्य करावे असे आवाहन करण्यात आले आहे.
