जामनेर तालुक्यातील एकुलती येथील घटना
जळगाव (प्रतिनिधी) : जामनेर तालुक्यातील एकुलती येथे एका तरुण शेतकऱ्याने विषारी औषध घेऊन आत्महत्येचा प्रयत्न केला होता. त्याचा उपचारादरम्यान मृत्यू झाल्याची घटना दि.२ मे रोजी रात्री ८ वाजेच्या सुमारास घडली आहे. पहूर पोलीस स्टेशनला अकस्मात मृत्यूची नोंद करण्याचे काम सुरू होते.
शुभम गणेश शेवाळे (वय १९, रा.एकुलती ता. जामनेर) असे मयत तरुणाचे नाव आहे. तो आई-वडील भाऊ यांच्यासह गावात राहत होता. शुभम आणि त्याचे वडील गणेश शेवाळे हे शेतीकाम करून परिवाराचा उदरनिर्वाह करीत होते. (केसीएन)बुधवार दि. ३० एप्रिल रोजी रात्री ११ वाजता कुठल्यातरी नैराश्यातून शुभम याने विषारी औषध घेऊन आत्महत्या करण्याचा प्रयत्न केला होता. त्याला तातडीने जळगाव येथील शासकीय वैद्यकीय महाविद्यालय व रुग्णालयात उपचारासाठी दाखल करण्यात आले होते. दरम्यान उपचार सुरू असताना शुक्रवार दि. २ मे रोजी रात्री ८ वाजेच्या सुमारास त्याची प्राणज्योत मालवली. यावेळी कुटुंबीयांनी एकच आक्रोश केला. यामुळे एकुलती गावात शोककळा पसरली असून पहूर पोलीस स्टेशनला अकस्मात मृत्यूची नोंद घेण्याचे काम सुरू होते.
