मोहाडी महिला रुग्णालयाच्या वैद्यकीय पथकाला यश
जळगाव (प्रतिनिधी) :- डॉ. किरण पाटील जिल्हा शल्य चिकित्सक, सामान्य रुग्णालय व डॉ. किरण सोनवणे, वैद्यकीय अधीक्षक, मोहाडी यांच्या मार्गदर्शनाने व सहकार्याने दि. ०१ जानेवारी रोजी महिला व बाल रुग्णालय येथे डॉ. मिलींद चौधरी व डॉ. चंदन महाजन यांनी दुर्बिणीद्वारे गर्भपिशवी काढण्याची शस्त्रक्रिया अशी गुंतागुंतीची शस्त्रक्रिया महिला रुग्णावर यशस्वीपणे पार पाडली.
डॉ. प्राची सुरतवाला, भूलतज्ञ यांनी रुग्णाला योग्य भूल देऊन अति जोखमीचे असे हे ऑपरेशन डॉ. अतुल पाटील, अधिपरिचारीका दिपाली बढे व शस्त्रक्रिया विभागातील कर्मचारी यांचे सहकार्य लाभले. जिल्हा महिला व बाल रुग्णालय, मोहाडी, जळगाव येथे दुर्बिणीद्वारे होणाऱ्या शस्त्रक्रिया जसे गर्भपिशवी काढणे, अपेंडिक्स काढणे, हर्निया दुरुस्ती या सर्व शस्त्रक्रियां महात्मा फुले जन आरोग्य योजनेअंतर्गत विनामुल्य होतात तरी जिल्ह्यातील सर्व गरजू रुग्णांनी लाभ घ्यावा, शस्त्रक्रियांसंबधी चेतन परदेशी ९०६७५३१९२३ व राहुल पारची ९६७३६३९७४१ यांना संपर्क साधावा असे आवाहन डॉ. किरण पाटील, डॉ. किरण बळीराम सोनवणे यांनी जिल्ह्यातील रुग्णांना केलेले आहे.
