जळगाव महापालिकेच्या सूचना
जळगाव (प्रतिनिधी) :- जळगाव शहर महानगरपालिकातर्फे शहरात पुढील ७ दिवसात सर्व गाळे, दुकाने, आस्थापना यांच्यावरील नामफलक पाट्या ह्या मराठी भाषेत करण्यात याव्यात अशा सूचना देण्यात आल्या आहेत. अन्यथा त्यांचेवर नियमानुसार कार्यवाही करण्यात येईल असा इशारा देण्यात आला आहे.
राज्य शासनाने देखील यापूर्वी सूचना केल्या होत्या. त्यानंतर आता जळगाव महानगरपालिकेने वृत्तपत्रात जाहिरात देऊन तसेच सूचना गाळे, आस्थापना, दुकानांना दिल्या आहेत. त्यानुसार दि. ८ डिसेंबर रोजीपासून ज्या गाळे, दुकाने व आस्थापना यांच्यावरील फलक / पाट्या मराठी भाषेत आढळून येणार नाही त्यांचेवर नियमानुसार कार्यवाही करण्यात येईल याची गांभीर्याने नोंद घ्यावी असे आवाहन महापालिकेचे महसूल आयुक्त धनश्री शिंदे यांनी केले आहे.
