जळगाव शहरातील एमआयडीसी घटना
जळगाव (प्रतिनिधी) :- शहरातील आदित्य लॉनच्या पार्कींग झोन मध्ये दुचाकीने जोरदार धडक दिल्याने कारचे नुकसान केल्याची घटना २१ नोव्हेंबर रोजी रात्री १० वाजता घडली होती. याप्रकरणी शनीवारी ७ डिसेंबर रोजी रात्री ८ वाजता एमआयडीसी पोलीस ठाण्यात दुचाकीचालकावर गुन्हा दाखल करण्यात आला आहे.
अभिषेक अविनाश लाठी (वय ३१ रा. प्रभात कॉलनी, जळगाव) हा तरूण दिनांक २१ नोव्हेंबर रोजी रात्री १० वाजता त्यांची कार ही आदित्य लॉनच्या पार्कींगमध्ये लावलेली होती. त्यावेळी जयदीप राठोड रा. मन्यारखेडा याने दुचाकी क्रमांक (एमएच १९ ईएल ४४९४) ने कारला जोरदार धडक दिली. या धडकेत अभिषेक राठी यांच्या कारच्या समोरील भागाचे नुकसान केले. याप्रकरणी अभिषेक लाठी यांनी एमआयडीसी पोलीस ठाण्यात फिर्याद दिली. त्यानुसार शनिवारी ७ डिसेंबर रोजी रात्री ८ वाजता दुचाकीचालक जयदीप राठोड याच्या विरोधात गुन्हा दाखल करण्यात आला आहे. पुढील तपास पोहेकॉ रामदास कुंभार हे करीत आहे.
