जळगाव (प्रतिनिधी) – येथील डॉ. उल्हास पाटील वैद्यकीय महाविद्यालयाच्या निवासी वैद्यकीय तज्ञांसाठी शल्यचिकीत्सा व शरीरशास्त्र विभागाच्या सयुक्त विद्यमाने कॅडव्हरीक सर्जरी वर्कशॉप नुकतेच संपन्न झाले.यावेळी शरीराची संरचना याबाबत विच्छेदन प्रात्याक्षिक करून दाखविण्यात आले.
डॉ. उल्हास पाटील वैद्यकीय महाविद्यालयात निवासी वैद्यकिय अधिका—यांना अध्ययनासाठी मृतदेह दिला जातो. शल्यचिकीत्सा विभागातील निवासी वैद्यकिय तज्ञांसाठी देह उपलब्ध करून देत शरीराची विविध संरचना यांची माहिती करून देण्यासाठी यात प्रामुख्याने यकृत लिव्हर, व पित्ताशय यांची संरचना विषयी प्रात्यक्षिकातून माहिती देण्यात आली जेणेकरून भविष्यात या माहितीचा उपयोग करून सर्वश्रेष्ठ शल्यचिकीत्सक बनावेत हा उददेश होता. यासाठी विभागप्रमुख शल्यचिकीत्सा विभागाचे विभागप्रमुख डॉ. शिवाजी सादुलवाड, बालरोग शल्यचिकीत्सक प्रो.डॉ. मिलींद जोशी,शरीरशास्त्र विभाग प्रमुख डॉ. अमृत महाजन,डॉ. शुभांगी वाघ, यांनी विशेष प्रयत्न केले. या साठी वंदना पाटील,जान्हवी भिरूड, गोपाल नांदुरकर, गजानन जाधव,रोशन महाजन, अंकीता नांदुरकर, राजू धांडे, गुणवंत कोल्हे, यांनी परिश्रम घेतले.
