जळगावात आरोग्य क्षेत्रात आहे कार्यरत
नवी दिल्ली (वृत्तसेवा) : नवी दिल्लीतील मयूर विहार येथील हॉटेल हॉलिडे इन (फोर स्टार) येथे आंतरराष्ट्रीय पुरस्कार प्रदान समारंभ आयोजित करण्यात आला होता. या आंतरराष्ट्रीय समारंभात जळगावच्या डॉ. तारिक शेख यांना आरोग्यसेवा व्यवस्थापनातील त्यांच्या १० वर्षांहून अधिक अनुभवासाठी युरो एशियन विद्यापीठाकडून प्रतिष्ठित डॉक्टरेट म्हणजेच पीएचडी प्रदान करण्यात आली.
डॉ. तारिक अन्वर शेख हे रोटेरियन आहेत. रोटरी क्लब जळगाव मिडटाऊनचे माजी सचिव आहेत. इकरा एज्युकेशन सोसायटीचे सर्वात तरुण संचालक आहेत. शहीद भगतसिंग सेवादलचे संस्थापक आणि माजी खासदार पद्मश्री जितेंद्र सिंग शंटी यांच्या हस्ते त्यांना ही डॉक्टरेट प्रदान करण्यात आली. समारंभात मंचावर माँ पवित्रानंदगिरी – श्री श्री १००८ महामंडलेश्वर किन्नर आखाडा (उज्जैन), आंतरराष्ट्रीय किन्नर आखाडा, डॉ. मुरिएल रॉबर्ट – आयर्लंडचे आंतरराष्ट्रीय प्रतिनिधी, डॉ. आर. एन. कालरा – संचालक कालरा हॉस्पिटल्स, प्रो. डॉ. राजीव मिश्रा, डीन गलगोटिया विद्यापीठ, खरायती लाल गोयल – माजी अतिरिक्त आयुक्त भविष्य निर्वाह निधी (भारत सरकारच्या संयुक्त सचिवांच्या समतुल्य) उपस्थित होते.
या कामगिरीसाठी तारिक अन्वर शेख यांना त्यांचे पालक, गुरू डॉ. परेश दोशी, डॉ. विकास बोरोले, डॉ. वर्षा कुलकर्णी, डॉ. संदीप जाधव, डॉ. अजित कुमार यांचे मार्गदर्शन मिळाले. त्यांनी हे यश मिळवल्याबद्दल डॉ. अमोल पाटील, डॉ. गणेश पाटील, सर्व रुग्णालयातील कर्मचारी, आरएमओ, परिचारिका, वॉर्डबॉय आणि सर्व कार्यालयीन कर्मचाऱ्यांचे आभार मानले. त्यांनी रोटरी एन्क्लेव्हचे अध्यक्ष डॉ. किशोर सूर्यवंशी, रोटरी क्लब मिडटाऊनच्या अध्यक्षा छाया पाटील, सचिव किरण सिंग, सर्व रोटेरियन आणि इकरा एज्युकेशन सोसायटी व्यवस्थापनाचेही आभार मानले.
