शिवसेनेची मोठी ताकद!
अमळनेर (प्रतिनिधी) – अमळनेर नगरपरिषद सार्वत्रिक निवडणुकीचे वातावरण चांगलेच तापले असून, स्टार प्रचारकांच्या सभांमुळे यात अधिक रंगत येत आहे. याच पार्श्वभूमीवर, शिवसेनेचे लोकनियुक्त नगराध्यक्ष पदाचे उमेदवार डॉ. परिक्षीत बाविस्कर आणि नगरसेवक पदाचे उमेदवार यांच्या प्रचारार्थ शिवसेनेचे संसदीय गटनेते, संसदरत्न खासदार डॉ. श्रीकांतजी शिंदे यांची जाहीर सभा उद्या अमळनेरात आयोजित करण्यात आली आहे.उद्या, बुधवार, दिनांक २६ नोव्हेंबर रोजी दुपारी ०२:०० वाजता होणार आहे. शहरातील म्हसकर प्लॉट, स्वामी नारायण मंदिर, स्टेशन रोड, अमळनेर या ठिकाणी होणार आहे.
माजी आमदार शिरीषदादा चौधरी यांच्या निमंत्रणावरून शिवसेनेच्या अनेक प्रमुख नेत्यांची उपस्थिती या सभेला असणार आहे, ज्यामुळे अमळनेरमध्ये शिवसेनेने मोठी ताकद उभी केल्याचे स्पष्ट होत आहे.
जिल्ह्याचे पालकमंत्री तथा राज्याचे पाणी पुरवठा मंत्री ना. गुलाबरावजी पाटील
राज्याचे शालेय शिक्षण मंत्री ना. दादाजी भुसे यांची विशेष उपस्थिती असणार आहे.
उपमुख्यमंत्री ना. एकनाथजी शिंदे यांच्या मार्गदर्शनाखाली नगरविकास खात्यातून शहराला भरघोस निधी मिळेल आणि अमळनेरच्या विकासाचा अनुशेष भरून निघेल, अशी अपेक्षा नगराध्यक्ष पदाचे उमेदवार डॉ. परिक्षीत बाविस्कर यांनी व्यक्त केली आहे.
डॉ. श्रीकांत शिंदे यांच्या या पहिल्या सभेसाठी जिल्ह्यातील अनेक आमदार आणि प्रमुख पदाधिकारी उपस्थित राहणार आहेत.आमदार: आ. चंद्रकांत सोनवणे, आ. किशोर पाटील, आ. चंद्रकांत पाटील, आ.अमोल पाटील, शिवसेना जिल्हाप्रमुख वासुदेव पाटील, महिला आघाडी प्रमुख सरीताताई माळी-कोल्हे, युवासेना जिल्हाप्रमुख रोहित कोगटा, मा. ललिताताई पाटील, डॉ. प्रमिलागीरी गोसावी.
शिवसेनेचे सर्व आजी-माजी नगरसेवक, जि.प., पं.स. सदस्य, सरपंच, सदस्य, शिवसैनिक, सर्व आघाड्यांचे प्रमुख पदाधिकारी आणि मतदार बंधू-भगिनींनी मोठ्या संख्येने उपस्थित राहावे, असे आवाहन शिवसेना तालुकाप्रमुख सुरेश पाटील यांनी केले आहे.
