चारजण गंभीर : नाशिक जिल्ह्यात नांदगाव-मनमाड रस्त्यावर घडली घटना
नाशिक (प्रतिनिधी) : भरधाव वेगाने येणाऱ्या दोन कारची समोरासमोर जोरदार धडक झाली. यामुळे झालेल्या भीषण अपघातात दोन जणांचा जागीच मृत्यू झाला आहे. तर चार जण गंभीर जखमी झाले आहेत. अपघातातील जखमींना शासकीय रुग्णालयात उपचारासाठी हलविले. येथे प्राथमिक उपचार केल्यानंतर मालेगाव येथे पुढील उपचारासाठी दाखल करण्यात आले आहे.
नांदगाव – मनमाड रस्त्यावरील हिरेनगर शिवारात हा भीषण अपघात झाला आहे. या अपघातात दोन कारची समोरासमोर धडक झाल्याने घडलेल्या अपघातात दोन जण जागीच ठार, तर चार जण गंभीर जखमी झाले आहे. या अपघातात दोन्ही गाड्यांचे देखील मोठे नुकसान झाले. सकाळच्या सुमारास झालेल्या या भीषण अपघातातील मृत व जखमी हे जळगाव जिल्ह्यातील पाचोरा व नाशिक जिल्ह्यातील मोहाडी या गावातील असल्याची माहिती समोर आली आहे.
अपघातात शिवाजी भास्कर देशमुख (वय ६०, रा.मोहाडी, जि. नाशिक) व उषा नारायण महाजन (वय ६०, पाचोरा, जि.जळगाव) या दोघांचा मृत्यू झाला. तर जखमींमध्ये आशा शिवाजी देशमुख, विकास शिवाजी देशमुख, गयाबाई आदिक देशमुख (सर्व राहणार मोहाडी, नाशिक) व नारायण सुकदेव महाजन (रा. पाचोरा, जळगाव) यांचा समावेश आहे. जखमींना लागलीच उपचारासाठी रुग्णालयात दाखल करण्यात आले आहे.
