जळगाव ( प्रतिनिधी ) – नशिराबाद ते भुसावळ महामार्गावर माऊली पेट्रोल पंपाजवळ राँग साईड येणाऱ्या दुचाकीने समोरून दुसऱ्या दुचाकीला धडक दिल्याने दुचाकीवरील महिला जण ठार झाल्याची घटना शनिवारी घडली होती. रविवारी अज्ञात दुचाकीचालकाविरोधात नशिराबाद पोलीस ठाण्यात गुन्हा दाखल करण्यात आला .
नशिराबाद ते भुसावळ दरम्यान इकबाल शहा सांडू (वय-४५ , रा. मोमीन मोहल्ला, नशिराबाद ) हे त्याची पत्नी सरताजबी इकबाल शहा (वय-४२) यांच्यासह २७ नोव्हेंबर रोजी सकाळी दुचाकी क्रमांक (एमएच १९ डीयू ३५५८) ने नशिराबादकडून भुसावळकडे जात असतांना समोरून राँग साईड येणाऱ्या अनोळखी नंबरवरील दुचाकीधारकाने धडक दिली. या अपघातात सरताजबी शहा गंभीर जखमी झाल्या. त्यांना खासगी रूग्णालयात दाखल करण्यात आले होते. उपचारादरम्यान त्यांचा मृत्यू झाला. नशिराबाद पोलीस ठाण्यात अज्ञात दुचाकीधारकावर गुन्हा दाखल करण्यात आला पुढील तपास पोहेकॉ गजानन देशमुख करीत आहेत .
