जळगाव (प्रतिनीधी) :- येथील अनुभूती इंग्लीश मिडीअम स्कूलची इयत्ता ९ वीच्या विद्यार्थीनीची एनसीसीच्या आरडीसी परेडसाठी निवड झाली आहे. दिल्ली येथे होणाऱ्या प्रजासत्ताक दिनाच्या आरडीसी परेडच्या सांस्कृतिक कार्यक्रमात नृत्य प्रकारात जिल्ह्यातून मयूरी महाले ही एकमेव आहे. ती दिल्लीला रवाना झाली असून जळगाव जिल्हावाशीयांसाठी ही गौरवाची बाब आहे.
भवरलाल जैन यांच्या समाजशील दृष्टीकोनातून उभारलेल्या अनुभूती स्कूलमधील मयुरी चंद्रशेखर महाले ही जळगाव जिल्ह्यातील शालेय स्तरावरील एकटीच आहे. जळगावातून १, अमरावती विभागातून ४ तर पुणे विभागातून ५ असे एकून १० कॅम्प मधून तीची निवड झाली. आरडीसी दिल्ली परेडसाठी निवड झालेल्या विद्यार्थ्यांपैकी ३१ जण महाविद्यालयीन स्तरावरील आहेत तर ५ विद्यार्थी शालेय स्तरावरील आहेत.
मयूरी हीचे वडील चंद्रशेखर बाबुराव महाले हे विचखेडा ता चोपडा येथील रहिवासी असून ते एका खासगी कंपनीत कंत्राटी कामगार असून मिटर कटआऊट तयार करण्याचे काम करतात. मयूरीची आई त्रिवेणी यांचे शिक्षण बीए झालेले असून महानगर पालिकेत आशा वर्कर म्हणून त्या काम करतात. मयूरीच्या यशाबद्दल जैन इरिगेशन सिस्टीम्स लि.चे अध्यक्ष अशोक जैन, अनुभूती स्कूलचे अध्यक्ष अतूल जैन, संचालक निशा जैन यांनी कौतूक केले. मयूरी महाले हिला शाळेच्या प्राचार्या रश्मी लाहोटी यांच्या मार्गदर्शनाखाली एनसीसीचे सीटीओ अरविंद बडगुजर तसेच नृत्याचे प्रशिक्षक ज्ञानेश्वर सोनवणे यांनी काम केले.
