जळगाव तालुक्यात धानवड येथील घटना
जळगाव (प्रतिनिधी) :- तालुक्यातील धानवड येथील रहिवासी महाविद्यालयीन तरुणाने नैराश्यातून जंगलाच्या परिसरात जाऊन एका झाडाला गळफास लावून घेत आत्महत्या केल्याची धक्कादायक घटना शनिवारी दि. २६ जुलै रोजी दुपारी १२ वाजता समोर आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
आकाश दिलीप पाटील (वय १७, रा. धानवड ता. जळगाव) असे मयत तरुणाचे नाव आहे. तो आजी, आजोबा, आई, वडील, मोठा भाऊ यांचेसह राहत होता. इयत्ता अकरावीच्या शिक्षणासाठी त्याने नुकताच प्रवेश महाविद्यालयात घेतला होता.(केसीएन)दरम्यान, शुक्रवारी दि. २५ जुलै रोजी संध्याकाळी घरून आकाश बाहेर निघून गेला होता. मात्र रात्रभर तो घरीच आला नाही. कुटुंबीय त्याला शोधत असताना शनिवारी दुपारी काही गुरे चारणाऱ्या ग्रामस्थांना त्याचा मृतदेह एका झाडाला गळफास घेतलेल्या अवस्थेत दिसून आला.
याची माहिती त्यांनी गावात दिली. त्यानंतर कुटुंबियांना माहीत होताच त्यांनी एकच आक्रोश केला.आकाशचा मृतदेह शासकीय वैद्यकीय महाविद्यालय व रुग्णालयात दाखल केला असता तपासणीअंती वैद्यकीय अधिकाऱ्यांनी त्यांना मयत घोषित केले.(केसीएन)रुग्णालयात आकाशच्या कुटुंबीयांनी व मित्र परिवाराला शोक अनावर झाला होता. आकाशने आत्महत्या का केली याबाबत पोलिसांचा सुरु आहे. एमआयडीसी पोलीस स्टेशनला अकस्मात मृत्यूची नोंद करण्यात आली आहे.
