भुसावळ ( प्रतिनिधी ) – गस्तीवर असलेल्या पोलीस उपनिरिक्षकालाच जिवे मारण्याची धमकी दिल्याचा धक्कादायक प्रकार घडला . धमकावणाऱ्या टोळक्याच्या विरूध्द गुन्हा दाखल करण्यात आला आहे.
बाजारपेठ पोलीस स्थानकाचे पोलीस उपनिरिक्षक महेश घायतड हे चालक दिनेश कापडणे यांच्यासह शहरातील श्रीरामनगर भागात शुक्रवारी मध्यरात्री गस्त घालत होते हनुमान मंदिराजवळ विना क्रमांकाच्या दुचाकीसह एक झायलो कार दिसून आल्याने त्यांनी संबंधीतांना विचारणा केली. यावेळी सात-आठ जणांच्या टोळक्याने त्यांना धक्काबुक्की करून जिवे ठार मारण्याची धमकी दिली. आम्ही आधी एक खून केला असून आम्हाला बॅकींग असल्याने कुणी आमचे काहीही बिघडवू शकत नसल्याचे सांगत त्यांनी घायतड यांना धमकावले.
उपनिरीक्षक घायतड यांच्या फिर्यादीनुसार निखिल राजपूत, अक्षय न्हावकर उर्फ थापा, गोलू कोल्हे, नकुल राजपूत, आकाश पाटील, अभिषेक शर्मा, नीलेश ठाकूर व अन्य एक अनोळखी अशा ८ जणांविरुद्ध ठार मारण्याचा प्रयत्न करणे, सरकारी कामात अडथळा व इतर कलमान्वये गुन्हा दाखल झाला. तपास स पो नि हरीष भोये करत आहेत.
या टोळक्याचा म्होरक्या निखील राजपूत पोलिसांच्या रेकॉर्डवरील गुन्हेगार असल्याची माहिती बाजारपेठ पोलिसांनी दिली थेट पीएसआयलाच धमकी दिल्यामुळे शहरात खळबळ उडाली आहे.
